Saytın ümumi statistikası:

Saytda məqalələrin sayı - 3,924
Saytda ismarıcların sayı - 8

Bölmələr

Arxiv

Sayğac

Ziyarətçilərimiz

free counters
  • 19мая
    Digər FAŞİZM ÜZƏRİNDƏ QƏLƏBƏDƏN 72 İL ÖTDÜ üçün şərhlər bağlıdır

     8Mayın 9-da Böyük Vətən Müharibəsinin sovet xalqının qələbəsi ilə başa  çatmasının 72-ci ildönümü tamam oldu.

    Böyük Vətən Müharibəsi başlayanda Yevlaxdan  113 qadın olmaqla 12936 nəfər cəbhəyə  yollanıb. Onlardan 10204 nəfəri müharibə başa çatanda doğma şəhərə dönüb, bu dəfə əmək cəbhəsində çalışmağa başlayıb.

    İllər keçdikcə keçmiş cəbhəçilərin sıraları seyrəlməyə başlayıb. İndi onlardan cəmi 8 nəfəri yaşayır-Məmmədəli Məmmədov, Hüseyn Bayramov, Vəli Şükürov, Abdulla Abdullayev, Həmdiyyə Əfəndiyev, Rəhim Yaqubov, Bahadur Quliyev, Süleyman Süleymanov. Daha ətraflı »

  • 19мая
    Digər “DÖVLƏTİMİZN BAŞÇISINDAN ÇOX RAZIYAM” üçün şərhlər bağlıdır

     2 Xaldan kənd İƏD üzrə nümayəndənin müavini Aqşin Məmmədovun bələdçiliyi ilə əvvəlcə müharibə iştirakçısı Həmdiyyə Əfəndiyevə baş çəkdik. Ömrünün ixtiyar çağını yaşayan Həmdiyyə kişi ilə hal – əhval tutduq, odlu – alovlu döyüş yolları ilə bağlı xatirələrini dinlədik, dinc-quruculuq illərində təsərrüfatda çalışdığını öyrəndik. Ehtiyac və poroblemi ilə əlaqədar sorğumuza isə çox konkret cavab verərək dedi ki, Allaha şükür, heç nəyə ehtiyacımız yoxdur. Bizə hərtərəfli qayğı göstərən dövlət başçısından çox  razıyam. Ən böyük arzum isə müqəddəs torpaqlarımızın faşist xislətli  ermənilərin təcavüzündən və işğalından tezliklə azad olunduğu günü görməkdir. Daha ətraflı »

  • 19мая
    Digər “O GÜNLƏRİ UNUTMURAM, QƏLƏBƏ HƏSRƏTİ İLƏ YAŞAYIRAM” üçün şərhlər bağlıdır

    5 …Barəsində söz açdığımız Hüseyn Bayramov da onlardan – 8 nəfərdən biridir.

    1942-ci ildə alman faşizmi ilə mübarizə savaşına atılanda çox gənc idi. Amma əqidəsi dönməz, Vətənə məhəbbəti və sədaqəti yenilməz idi.

    Döyüş yolları onu Ukraynanın, Rusiyanın şəhərlərinin, vilayətlərinin faşistlərdən qorunmasına aparanda azərbaycanlı əsgər bilmirdi ki, qanlı savaşa Berlində son qoyacaq.

    Özünün dediklərindən: “O illərdə səngərlərdə yatdığım, düşmən gülləsinə dəfələrlə tuş gəldiyim dövrdə mənə desəydilər ki, Berlinin azad olunmasında iştirak edəcəyəm, inanmazdım. Amma dəfələrlə yaralandım, qospitallarda müalicə alsam da  müharibənin sonunu, alman faşistlərinin Sovet Ordusu qarşısında məğlubiyyətini görmək mənə qismət oldu. Berlinin süqutunda, Çexoslovakiyanın, Polşanın azad olunmasında iştirak etdim. Vətənə qalib əsgər kimi qayıtdım”. Daha ətraflı »

  • 19мая
    Digər ONA 97 YAŞI VERMƏK ÇOX  ÇƏTİNDİR üçün şərhlər bağlıdır

    1 Qaramməmədli kəndində ikinci qrup Böyük Vətən Müharibəsi iştirakçısı Süleyman Süleymanovla olan görüş uzun müddət unudulmayacaq. Qonaqlarını şuxluqla qarşılayan, “xoş gəldin” deyən Süleyman dayı ona ünvanladığımız sualları qıvraqlıqla cavablandırdı.

    Öyrəndik ki, Süleyman dayı da müharibənin elə ilk ilindəcə cəbhəyə çağrılıb. Ukraynanın Krivoy Roq şəhərində döyüşüb. Döyüşlərdən birində ağır yaralanıb, əsir düşüb. Amma özünü bəxtli insanlardan sayır ki, Allah ona düşmən əsirliyindən azad olmağı, qələbə gününü görməyi, bu yaşadək yaşamağı, ən başlıcası isə Azərbaycanın müstəqilliyini görməyi nəsib edib. Daha ətraflı »

  • 19мая
    Digər 93 YAŞLI MƏMMƏDƏLİ DAYI üçün şərhlər bağlıdır

    6 Böyük Vətən Müharibəsi iştirakçısı, I qrup əlil Məmmədəli Məmmədov. 21 yaşında əyninə əsgər paltarı geyinib, silahlanıb və ta Berlinəcən döyüş yolu keçib. Yaşı ilə əlaqədar indi çox şeyi yaxşı xatırlamadığını deyən Məmmədəli dayının çiyninə saldığı pencəyin yaxasındakı medallar çox şərəfli bir döyüş yolu haqqında məlumat verir.

    İndi övladlarının, nəvə-nəticələrinin əhatəsində rahat bir həyat yaşayan cəbhəçi eşitmə və görmə problemindən savayı heç bir sağlamlıq rahatsızlığı yaşamadığını dedi. Dövlət başçısının II Dünya Müharibəsi iştirakçılarına xüsusi diqqət və qayğısından hədsiz razı olduğunu söyləyən ixtiyar, bugünkü diqqətdən də çox şad olduğunu bildirdi: -Sağ olsun Prezident İlham Əliyevi ki, ulu öndər Heydər Əliyevin sağlığında olduğu kimi, biz müharibə veteranları onun prezidentliyi dövründə də unudulmuruq, yaddan çıxmırıq. Sizə də minnətdaram ki, biz veteranlar üçün əziz olan bir gündə qapımı açmısınız, mənimlə maraqlanırsınız, bayram sevincimi bölüşürsünüz.

  • 19мая
    Digər “BERLİNƏ QƏDƏR GETMİŞƏM” üçün şərhlər bağlıdır

    3 Abdulla kişi isə bizi təsadüfən yaşadığı evin əl darvazasının qarşısında  qarşıladı. Gəlişimizin səbəbini bildikdə sevnicini gizlədə bilmədi. Evin gəlinini haylayaraq – A bala, mənim o medallı pencəyimi  gətir. Axı bu gün biz veteranların bayramıdır, – dedi. 1921-ci il təvəllüdlü Abdulla Abdullayev elə müharibə başlayan ili – 1941 – ci ildə cəbhəyə yollanıb. Belorusiya cəbhəsinə düşüb. Artilleriyada xidmət edib. Berlinə qədər getmişəm, – deyir. 1946-cı ildə ordudan tərxis olunub. Yaşına baxanda xeyli gümrah görünən Abdulla kişi də  müstəqil dövlətimizin, doğma Yevlaxımızın bu günkü növrağından, iqtisadi inkişafdan, insanların sosial güzəranlarının ildən-ilə yaxşılaşmasından, topraq islahatından sonra əkən-biçənlərin, torpağa bağlı insanların sayının  durmadan atmasından razılıqla danışdı. Onlara göstərilən qayğıya gəldikdə  isə dedi ki, ayda 300 manata yaxın pensiya alıram. Üstəlik dövlət biz veteranlara əlavə imtiyaz və güzəştlər edir, hər ilin 9 may günündə birdəfəlik 1000 (Bir min) manat maddi yardım göstərir. Allah Prezidentimizin canını sağ, dövlətimizin bayrağını uca eləsin! Siz deyin, belə hökumətdən kim inciyər?! Daha ətraflı »

  • 19мая
    Digər “BİR QƏLƏBƏ BAYRAĞININ DA QARABAĞDA ASILDIĞINI GÖRMƏK QİSMƏTİM OLSUN” üçün şərhlər bağlıdır

     7Veteran Vəli dayı söylədi bu sözləri. Vəli Şükürov. Yaşın yaratdığı yaddaş zəifliyi üzündən onunla da keçdiyi döyüş yolu, yolun təxmini də olsa xəritəsi haqqında məlumat almaq mümkünsüzdü. Amma həyatı bütünlüklə Yevlaxla bağlı olan Vəli dayını hər kəs tanıyır. Hamı bilir ki, onun da gəncliyinin ilk çağları mənfur müharibə üzündən od-alov içərisində keçib, yaxın illərə qədər sinəsində bunu təsdiq edən mükafatlar da gəzdirib.

    Amma söhbət bugünümüzdən düşəndə Vəli dayı yaşına uyğun olmayan bir ahənglə dedi: -Bir cəbhəçi kimi xatirələrimi kiminləsə paylaşanda həmişə arzulamışdım ki, o günlər bir daha geri qayıtmasın, müharibə dəhşətli bir şeydir. Amma təəssüf ki, Qarabağ müharibəsi başlandı və illərdir ki, bitmək bilmir. Bu sinnimdə bir arzum var. Bir qələbə bayrağının da Qarabağda asıldığını görmək istərdim. Daha ətraflı »

  • 19мая
    Digər TEZLİKLƏ SAĞLAMLIĞINIZA QOVUŞUN üçün şərhlər bağlıdır

     Rüstəmli kəndinə səfərimiz bizi məyus etdi. Böyük Vətən Müharibəsi iştirakçısı, II qrup əlil Bahadur Quliyev bizi yataqda qarşıladı. Səbəb xəstəliyi idi. Onu rahatsız etməmək üçün oğlu ilə həmsöhbət olduq. O,atasının 1941-ci ildə müharibəyə yollandığı, Belorusiyada döyüşlərdə iştirak etdiyini söylədi. Bildirdi ki, müharibə  qələbə ilə bitdikdən sonra doğma kəndə qayıdan atası burada da layiqli bir həyat sürüb. Səkkiz övlad sahibi olub. Halal zəhməti ilə ailəsini saxlayıb, kənd camaatının xətir-hörmətini qazanıb. Daha ətraflı »

  • 19мая
    Digər SİZİ AĞDAMDA TƏBRİK EDƏRİK, RƏHİM KİŞİ üçün şərhlər bağlıdır

     Rəhim kişinin evində bizi oğlu Dilavər qarşıladı. Və atasının evdə olmadığını bildirdi. Sən demə Rəhim Yaqubov və ailəsi mənfur erməni təcavüzü nəticəsində doğma yurd-yuvalarından didərgin düşmüş qaçqın və köçkün soydaşlarımızdan biridir. O, Ağdam işğal olunan gündən rayonumuzun Xaldan kəndinə pənah gətirib. Rəhim kişinin ailəsinə lazımi sığınacaq verilməsinə, hərtərəfli şərait yaradılmasına baxmayaraq o, bir yerdə qərar tuta bilmir. Həftə səkkiz, mən doqquz, Ağdamın Quzanlı kəndinə gedib doğma ata  ocaqlarına tərəf intizarla boylanır. O torpaqlara bir də qayıtmaq arzusu ilə yaşayır. Daha ətraflı »

  • 19мая
    Digər PENSİYA YAŞININ ARTIRILMASI İLƏ BAĞLI QANUN TƏSDİQLƏNDİ üçün şərhlər bağlıdır

    PREZİDENT İLHAM ƏLİYEV BUNUNLA BAĞLI FƏRMAN İMZALAYIB

    Dövlətimizin başçısı “Əmək pensiyaları haqqında” qanunda dəyişikliklər edilməsi barədə qanunun təsdiq edilməsi barədə fərman imzalayıb. Qanuna dəyişikliklər bu il martın 10-da Milli Məclis tərəfindən qəbul edilib. Qanuna 98 dəyişiklik təklif olunub.

    Dəyişikliklərə əsasən, polis və hərbi qulluqçular istisna olmaqla, bütün peşə sahələri üzrə əmək pensiyasına görə yaş həddi artırılıb. Dövlət qulluqçuları üçün hazırda qüvvədə olan 15 təqvim ili 20 təqvim ilinə, prokurorlar üçün 25 təqvim ili 35 ilə, o cümlədən digər peşələr üçün də tələb olunan staj ili müvafiq olaraq 5 il qaldırılıb. Pensiya yaşı artırılaraq əmək pensiyaları üçün tələb olunan yaş hədləri ilə diferensiallaşdırılıb. Bundan başqa pensiyanın baza hissəsi ləğv edilib. Daha ətraflı »

Səhifə 1 cəmi 22712345678910...Sonuncu »

Yeni ismarıclar

  • Salam eziz yerlilerim. Mende Yevlaxliyam, baxmayaraq ki, ve...
  • tebrik edirem. daha boyuk uqurlar arzulayiram...
  • Uğurlarınız axarıncı olsun!!!...
  • Təbriklər!...
  • Ş.Qurbanov adına 8 saylı orta məktəbin "İlin ən yaxşı məktəb...