Saytın ümumi statistikası:

Saytda məqalələrin sayı - 3,924
Saytda ismarıcların sayı - 8

Bölmələr

Arxiv

Sayğac

Ziyarətçilərimiz

free counters
  • 19мая
    Yevlax ŞİH-də ULU ÖNDƏR HEYDƏR ƏLİYEVİN ANADAN OLMASININ 94-CÜ İLDÖNÜMÜ YEVLAXDA DA TƏNTƏNƏ İLƏ QEYD OLUNDU üçün şərhlər bağlıdır

    21 Hər il olduğu kimi, mayın 10-da şəhərimizin mərkəzi meydanı böyük bir qələbəliyə ev sahibliyi etdi. Yüzlərlə yevlaxlı  ulu öndər, müstəqil Azərbaycanın qurucusu və memarı Heydər Əliyevi doğumunun 94-cü ildönümü günündə andı, abidəsi qarşısında ehtiramla baş əydi, onun əzəmətli heykəlini gül-çiçək yağışına qərq etdi.

    Foto Natiq CƏFƏROVUNDUR

  • 19мая
    Yevlax ŞİH-də AĞACƏKMƏ KAMPANİYASI MÜTƏŞƏKKİL KEÇDİ üçün şərhlər bağlıdır

    5 Ulu öndər Heydər Əliyevin anadan olmasının 94-cü ildönümü münasibəti ilə şəhərimizdə rəngarəng proqramlı silsilə tədbirlər keçirilmişdir. Şəhər İcra Hakimiyyətinin Yeni Azərbaycan Partiyası Yevlax rayon təşkilatı ilə birgə  hazırladıqları tədbirlər planına uyğun olaraq mayın 10-u günü səhər tezdən  kütləvi ağacəkmə kampaniyasına start verilmişdir. Həmin gün yaşıllıq, kommunal, təmizlik və digər xidmət təşkilatlarının əmək adamları ilə yanaşı Şəhər İcra Hakimiyyəti Başçısı Aparatının, YAP Yevlax rayon təşkilatının gənc fəalları, Gənclər və İdman İdarəsinin kollektivləri, ictimaiyyət nümayəndələri ağacəkmə kampaniyasına qoşulmuşlar.

    6 İməcilik iştirakçıları ulu öndərin anadan olmasınının  ildönümü təntənəsi başlanana qədər şəhərin Heydər Əliyev prospektində, İpək yolu keçən Bakı prospektində, Yevlax-Bərdə şose yolunun sağ və sol kənarında 1150 ədəd şam, çinar ağacları əkmiş, 6 mindən çox lüqstr və gül kolları basdırmış, 15 mindən artıq mövcud yaşıllığa qulluq göstərmiş, bütövlükdə Kür çayı sahilində və bir sıra ərazilərdə böyük səliqə-sahman işləri aparmışlar. Ümummilli liderin əziz xatirəsinə həsr olunmuş agacəkmə və təmizlik işləri kampaniyasında 1200 nəfərdən artıq könüllü iştirak etmişdir.

    İməcilik iştirakçıları bu xeyirxah işləri ilə dahi şəxsiyyətə məhəbbətlərini ifadə  etmişlər. Daha ətraflı »

  • 15мая
    Yevlax ŞİH-də KƏND TƏSƏRRÜFATI MƏHSULLARI İSTEHSALÇILARINA AVANS PAYLANMIŞDIR üçün şərhlər bağlıdır

    1 Mayın 3-də Azərbaycan Respublikasının Prezidenti İlham Əliyev cənablarının müvafiq Sərəncamı ilə  fəaliyyət göstərən “Ərzaq məhsullarının tədarükü və təchizatı” Açıq Səhmdar Cəmiyyəti rayonumuzda istehsalçılara avans verilməsinin növbəti mərhələsini həyata keçirmişdir. Kür çayı sahilində-“ELK-2004 kəndli təsərrüfatı” MMC-nin kartof əkini ərazisində keçirilmiş   avans məbləğlərinin təqdimat mərasimində Yevlax da daxil olmaqla respublikanın 12 şəhər və rayonundan gəlmiş iş adamları – istehsalçılar, sahibkarlar, fermerlər, bir sözlə, ərzaq bolluğu yaratmaq sahəsində çalışanların böyük bir qismi təmsil olunurdu. Yevlax Şəhər İcra Hakimiyyəti Başçısının  birinci müavini Qənimət Qaraşov tədbiri giriş sözü ilə açaraq iştirakçıları salamlamış və dövlət başçısının tapşırığı ilə həyata keçirilən prosesin iqtisadi əhəmiyyətini yüksək dəyərləndirmişdir. Q.Qaraşov çıxışını maddi nemətlər bolluğu yaradanların fəaliyyətinə uğurlar arzulamaqla yekunlaşdırmışdır. Daha ətraflı »

  • 03мая
    Yevlax ŞİH-də YAP YEVLAX RAYON TƏŞKİLATININ IX KONFRANSI üçün şərhlər bağlıdır

    1 Bu günlərdə YAP Yevlax rayon təşkilatının IX konfransı keçirildi.

    Konfrans iştirakçıları öncə ulu öndər Heydər Əliyevin abidəsi önünə əklil qoydular. Sonra ulu öndərin adını daşıyan sarayın foyesində qonaqlar YAP Yevlax rayon təşkilatının fəaliyyətini əks etdirən sərgi ilə tanış oldular.

    Salona toplaşanlar YAP Yevlax rayon təşkilatı üzvlərinin gördüyü işlərdən ibarət filmə tamaşa etdilər.


    2IX konfransın işində ŞİH Başçısı Qoca Səmədov, YAP Siyasi Şurasının üzvü Firdovsi Əliyev, millət vəkili Pərvin Kərimzadə, YAP Mərkəzi Aparatının kuratoru Araz Xudadanov iştirak edirdilər. Dövlət himnimizin səsləndirilməsindən və müstəqil Azərbaycan dövlətinin qurucusu, Yeni Azərbaycan Partiyasının yaradıcısı, ulu öndər Heydər Əliyevin xatirəsi bir dəqiqəlik sükutla yad edildikdən sonra tədbiri giriş sözü ilə açan YAP Yevlax rayon təşkilatının sədri, Milli Məclisin deputatı İlham Məmmədov gündəliyə uyğun olaraq hesabat məruzəsi ilə çıxış etdi.


    Konfransın YAP-ın yaradılmasının 25 illiyi ərəfəsinə təsadüf etdiyini ayrıca qeyd edən İ.Məmmədov müstəqil Azərbaycanın inkişafında müstəsna xidmətləri olan YAP-ın keçdiyi inkişaf yolundan bəhs etdi. Bildirdi ki, YAP monolit birliyi, böyük sosial bazası olan bir partiyadır. Azərbaycan xalqı YAP-ı yarandığı gündən Heydər Əliyev partiyası kimi tanımışdır. Ayrıca vurğuladı: – İdeoloji sahədə aparılan tədbirlər, xüsusilə Heydər Əliyev irsinin gənc nəslə aşılanması ilə partiyanın boy sırasında onların sayının çoxalmasına, habelə yeni ərazi və məhəlli partiya təşkilatlarının yaranmasına rəvac vermişdir. Təşkilatımızın VIII konfransından keçən dövr ərzində partiya üzvlərimizin sayı 7140 nəfərdən 8600 nəfərə çatmış, 4 yeni məhəlli və ərazi ilk partiya təşkilatı yaradılmışdır. Partiya təşkilatının uçotunda dayanan 8600 nəfər partiya üzvündən 4410 nəfərini qadınlar, 2015 nəfərini gənclər təşkil edir. Bildirdi ki, təşkilat YAP-ın Proqram və Nizamnaməsinə uyğun olaraq qarşıya qoyulan vəzifələrin icrasını layiqincə yerinə yetirir. İ.Məmmədov təşkilatın ŞİH ilə birgə həyata keçirdiyi tədbirlərdən də bəhs etdi. Açıqladı ki, əlamətdar günlərdə tədbirlərimiz davamlılığı ilə diqqət çəkir.
    Daha ətraflı »

  • 25Apr
    Yevlax ŞİH-də ŞƏHƏR İCRA HAKİMİYYƏTİNDƏ üçün şərhlər bağlıdır

    CARİ İLİN BİRİNCİ RÜBÜNÜN SOSİAL- İQTİSADİ İNKİŞAFININ YEKUNLARI VƏ QARŞIDA DURAN VƏZİFƏLƏR MÜZAKİRƏ OLUNDU

    1 2Şəhər İcra Hakimiyyətində 2017-ci ilin I rübünün yekunları və qarşıda duran vəzifələrə həsr olunmuş yığıncaq keçirildi.

    Yığıncağı Şəhər İcra Hakimiyyətinin Başçısı Qoca Səmədov açdı, ölkə başçısının şəhərimizə növbəti səfərindən, səfər çərçivəsində etdiyi bir-birindən əhəmiyyətli obyektlərin açılışından danışdı, cənab Prezidentin sədrliyi ilə keçirilən “Qeyri-neft ixracatçılarının I respublika müşavirəsi”nin əhəmiyyətini vurğuladı.

    Hesabat dövrü ilə bağlı məruzə edən ŞİH Başçısının I müavini Qənimət Qaraşov haqqında söhbət açılan dövr ərzində hərtərəfli inkişafa nail olmaq üçün qüvvələrin səfərbərliyə alındığını, quruculuq, abadlıq işlərinin davam etdirildiyini, infrastrukturun yaxşılaşdırılması, adamları narahat edən problem və çətinliklərin aradan qaldırılması üçün xeyli işlər görüldüyünü diqqətə çatdırdı.

    Ümumdaxili məhsul istehsalından danışan natiq bildirdi ki, bu ilin birinci rübündə ötən ilin eyni dövrü ilə müqayisədə 26,4 milyon manat və yaxud 21,3 faiz çox-159,2 milyon manatlıq ümumdaxili məhsul istehsal olunmuşdur. 93,0 faizi qeyri-neft sektorunda istehsal olunmuş ümumdaxili məhsulun artımı əsasən məhsul istehsalının, tikinti işlərinin və xidmətlərin həcminin artırılması hesabına olmuşdur. Daha ətraflı »

  • 18Apr
    Yevlax ŞİH-də “İSLAM HƏMRƏYLİYİ VƏ ZAMANIN ÇAĞIRIŞI”» MÖVZUSUNA HƏSR OLUNMUŞ TƏDBİR üçün şərhlər bağlıdır

    1 Aprelin 7-də YAP Yevlax rayon təşkilatının konfrans zalında 2017-ci ilin “İslam həmrəyliyi ili” elan edilməsi ilə əlaqədar “İslam həmrəyliyi və zamanın  çağırışı” mövzusunda tədbir keçirilmişdir.

    Şəhər İcra Hakimiyyəti ilə Dini Qurumlarla iş üzrə Dövlət Komitəsinin Yevlax regional şöbəsinin birgə keçirdikləri tədbirə təhsil, mədəniyyət, gənclər, bir sıra ictimai qurumların nümayəndələri və din  xadimləri dəvət olunmuşdu.

    Tədbiri  giriş  sözü  ilə  ŞİH Başçısının ictimai-siyasi və humanitar məsələlər üzrə müavini Elnarə Məmmədova açmışdır. O, xalqımızın 14 əsrdən bəri inanc gətirdiyi İslam  dininin, müqəddəs Quranın milli-mənəvi və dünyəvi dəyərlərə söykəndiyindən danışmış, dinindən, dilindən və irqindən asılı olmayaraq müqəddəs Quranın, İslam dininin yarandığı və nazil olunduğu gündən bütün insanların inancına, əqidəsinə  hörmətlə yanaşmağı təbliğ etdiyini vurğulamışdır. Buna canlı misal  olaraq ölkəmizi nümunə  göstərən natiq möhtərəm Prezidentimiz İlham Əliyev cənablarının yeritdiyi məqsədyönlü, xeyirxah və humanist siyasət sayəsində Azərbaycanın dünyada, multikultural, tolerant dövlət kimi tanındığını, ölkə daxilində dini etiqad azadlığının tam hökm sürdüyünü  yüksək dəyərləndirmiş, insanların dini ibadətlərini yerinə yetirmələri üçün məscid, məbəd, kilsə, müqəddəs ibadət və ziyarətgahların inşasına xüsusi önəm verildiyini demişdir. Daha ətraflı »

  • 12Apr
    Yevlax ŞİH-də ŞƏHƏR İCRA HAKİMİYYƏTİNDƏ üçün şərhlər bağlıdır

    PAMBIQÇILIĞIN İNKİŞAFI MƏSƏLƏLƏRİNƏ DAİR MÜŞAVİRƏ KEÇİRİLDİ

    3 Aprelin 4-də  Şəhər İcra Hakimiyyəti Başçısı Aparatının  geniş  akt  zalında Azərbaycan Prezidenti İlham Əliyevin sədrliyi ilə Saatlıda keçirilən pambıqçılığın inkişafı məsələlərinə dair respublika müşavirəsində ölkə başçısının nitqindən irəli gələn vəzifələrlə bağlı  müşavirə keçirildi.
    Müşavirədə Prezident Administrasiyasının məsul işçisi Vəfadar Bağırov, İƏD  üzrə  nümayəndələr, aidiyyatı idarə-müəssisə və təşkilatların rəhbərləri, bələdiyyə sədrləri, pambıqçılıqla məşğul olan kəndli-fermer təsərrüfatı rəhbərləri və pay torpaq sahibləri  iştirak edirdi.

    2Müşavirəni ŞİH Başçısı Qoca Səmədov açdı və geniş  məruzə  ilə çıxış  etdi. Bildirdi  ki,  ölkədə kənd təsərrüfatının inkişafı  prioritet istiqamətlərdəndir. Pambıq isə iqtisadi səmərəlilik baxımından qiymətli kənd təsərrüfatı məhsuludur. O, bu qiymətli və strateji  əhəmiyyətli texniki bitkinin ölkəyə valyuta axınını təmin edən ixracyönümlü  məhsul olduğunu diqqətə çatdırdı. 

    Sonra diqqəti ölkə başçısının sədrliyi ilə Saatlıda keçirilən məlum müşavirəyə çəkən natiq Prezident İlham Əliyev cənablarının geniş nitqindən, həmin nitqdən irəli gələn ciddi vəzifələrdən, dəyərli tövsiyə və göstərişlərdən danışdı, xüsusi qeyd etdi ki, vaxtilə  ulu  öndər  Heydər  Əliyev də Azərbaycanda pambıqçılığın  inkişafına xüsusi  önəm   vermiş, həmin  illərdə rayonumuzda da pambıqçılıq sahəsində  müəyyən  uğurlar  qazanılmışdır.

    Qoca Səmədov əlavə etmişdir ki, dövlət başçısının həmin müşavirədəki nitqi fəaliyyətimizə stimul verməklə rayonumuzun əmək  adamlarını  bu sahənin inkişafı məqsədi ilə daha yaxşı işləməyə, qoyulan hədəflərə çatmaq üçün səylə çalışmağa ruhlandırıb. Daha ətraflı »

  • 05Apr
    Yevlax ŞİH-də 31 MART AZƏRBAYCANLILARIN SOYQIRIMI GÜNÜNDƏ üçün şərhlər bağlıdır

    ŞƏHİDLƏR XİYABANINDA ANIM MƏRASİMİ KEÇİRİLDİ

     

    2 Səhər saatlarında artıq yüzlərlə yevlaxlı torpaqlarımızın azadlığı uğrundakı döyüşlərdə şəhid olan həmyerlilərimizin uyuduğu Xiyabanda idi.

    Anım mərasimi Şəhər  İcra Hakimiyyətinin Başçısı Qoca Səmədov, şəhərin hüquq-mühafizə orqanlarının, ayrı-ayrı qurumların rəhbərlərinin iştirakı ilə 31 Mart – Azərbaycanlıların Soyqırımı abidəsini ziyarətlə başladı. Ziyarətçilər ehtiramlarını ifadə etdilər, abidə önünə gül dəstələri qoydular.

    Tədbir Yeni Azərbaycan Partiyası Yevlax rayon təşkilatının binasında davam etdirildi.

    Şəhər İcra Hakimiyyəti Başçısının birinci müavini Qənimət Qaraşov rəsmi anım mərasimini açdı və  xalqımızın  tarixinə qanla yazılmış səhifə-31 mart  soyqırımından danışdı. Qeyd etdi ki,yalnız ulu öndər Heydər Əliyevin qətiyyəti sayəsində soyqırımı barədə   həqiqətlər üzə çıxdı, bu hadisələr siyasi və hüquqi qiymətini aldı. O,Ulu öndərin sərəncamı ilə 31 martın hər il ölkəmizdə Azərbaycanlıların Soyqırımı Günü kimi qeyd edilməsini də  ümummilli liderin Vətənimizin və xalqımızın tarixinə diqqətinin nümunəsi kimi dəyərləndirdi. Daha ətraflı »

  • 05Apr
    Yevlax ŞİH-də HƏRBİ HİSSƏDƏ “NOVRUZ” ŞƏNLİYİ üçün şərhlər bağlıdır

    3 Novruz bayramını vətənimizin keşiyini çəkənlərlə birgə qeyd etmək ənənəsinə bu dəfə də sadiq qalan şəhər rəsmiləri, ictimaiyyət nümayəndələri bayram xonçaları və hədiyyələri ilə “N” saylı hərbi hissədə olmuşlar. Dövlət himnimizin  ifasından və vətənimizin düşmən təcavüzündən müdafiəsi uğrunda döyüşlərdə şəhidlik zirvəsinə yüksələnlərin əziz xatirəsi yad olunduqdan sonra hissə komandiri, polkovnik Oruc Abdullayev şəxsi heyəti və qonaqları Novruz bayramı münasbəti ilə təbrik etmiş, memarı ümummilli liderimiz Heydər Əliyev olan müstəqil ölkəmizdə Ali Baş Komandan möhtərəm Prezidentimiz İlham Əliyev cənabları tərəfindən ordu quruculuğuna daim yüksək  önəm  verildiyini, Azərbaycan Ordusunun maddi – texniki bazasının getdikcə möhkəmləndiyini qürur  hissi  ilə vurğulamış, bu qayğının bariz nümunəsi kimi komandiri olduğu hərbi  hissənin müasir standartlara uyğun inşa olunaraq onların istifadəsinə verildiyini diqqətə çatdırmışdır.

    Müdafiə nazirliyinin nümayəndəsi polkovnik-leytenant Mənsur İbadov, Hərbi prokurorluğun əməkdaşı, ədliyyə polkovniki Toğrul Hüseynov vətənimzin sərhədlərini düşmən təcavüzündən və təxribatından qorumaq, həmçinin  işğal olunmuş ərazilərimizi azad etmək kimi ən ümdə, ən şərəfli vəzifə etibar olunmuş qoşun bölmələrimizi əlamətdar el bayramı münasibətilə təbrik edərək onlara möhkəm can sağlığı və qələbə sevinci  arzulamışdır.    Daha ətraflı »

  • 17Mar
    Yevlax ŞİH-də T Ə B R İ K ! üçün şərhlər bağlıdır

    NOVRUZ MİLLİ BAYRAMIMIZDIR

    1 Əziz yevlaxlılar! Xalqımızın ən əziz bayramı – Novruz bayramı münasibətilə sizi səmimi qəlbdən təbrik edir, hər birinizə xoş ovqat, əsl Novruz əhval – ruhiyyəsi arzulayıram. Novruz xalqımızın ən qədim milli bayramıdır. Onun tarixi – millətimizin yaşı qədər qədimdir. Bu tarix çoxlarının inanmayacağı qədər uzaq dövrlərdən – zamanın gözlə görünməz, ağılla düşünülməz dərinliklərindən başlanmışdır.

    Novruz bayramı təbiətlə, həyatla, yaradılışla bağlı, Azərbaycan xalqının səbirsizliklə gözlədiyi bayramlardan ən birincisidir. Ona bahar bayramı da deyirlər. Bu bayram təbiətin oyanması, gecə ilə gündüzün bərabərləşməsi, həyatın təzələnməsi ilə əlamətdardır. Novruz həm də xeyir – bərəkət bayramıdır. Novruz qışın qurtarmasının və yazın gəlməsinin carçısıdır. Novruz yeni ildir, baharın ilk təqvim günüdür. Onun gəlişi ilə torpaq canlanır, isti günlər başlayır. Xalqımız bu bayramı əsrlər boyu qeyd etmişdir. Yalnız öz müstəqilliyini bərpa edəndən sonra bayram ölkəmizdə dövlət səviyyəsində qeyd olunmağa başlanmışdır.

    Novruz bayramını hər kəsin öz evində, ocağı başında qeyd etməsi xalqımızın gözəl adətlərindəndir. Lakin böyük ürək ağrısı və təəssüf hissilə azğın erməni millətçilərinin qondarma Qarabağ xülyası üzündən doğma yurd – yuvasından, elindən – obasından ayrı düşmüş soydaşlarımıza üz tuturam. Dərdlərinizi bir anlığa unudun, sizin üçün nə qədər çətin olsa da özünüzdə bir güc tapın, doğmalarınızı, yaxınlarınızı ətrafınıza toplayın, Novruz tonqalları çatın, bayram əhval – ruhiyyəsinə köklənin, şadlıq – şadyanalıq edin. Bu sizin hər birinizin haqqıdır. Xalq inanclarına görə bu bayramda nə dilərsən, nəyi arzu edərsən onun çin olmaq ehtimalı yüksəkdir. Arzu edirəm ki, növbəti Novruzu azad olunmuş yurd yerlərinizdə qarşılayasınız, bayram tonqallarının şöləsi bütün Qarabağı bürüsün. Ölkəmizin rəhbəri möhtərəm İlham Əliyev cənablarının qətiyyəti, apardığı ardıcıl uğurlu siyasət tezliklə bu arzumuzu reallığa qovuşduracaq.

    Yurdumuza bahar gəlir. Bahar deyəndə gözlərimiz önünə gül – çiçək, bar – bərəkət, gözəllik gəlir. Amma həqiqət naminə deməliyik ki, ölkəmizdə həyata keçirilən və regionların sosial – iqtisadi inkişafını nəzərdə tutan dövlət proqramlarının müvəffəqiyyətlə həyata keçirilməsi nəticəsində Azərbaycanımız ilin bütün fəsillərində gözəldir, füsunkardır.

    Daha ətraflı »

Səhifə 1 cəmi 4712345678910...Sonuncu »

Yeni ismarıclar

  • Salam eziz yerlilerim. Mende Yevlaxliyam, baxmayaraq ki, ve...
  • tebrik edirem. daha boyuk uqurlar arzulayiram...
  • Uğurlarınız axarıncı olsun!!!...
  • Təbriklər!...
  • Ş.Qurbanov adına 8 saylı orta məktəbin "İlin ən yaxşı məktəb...