Saytın ümumi statistikası:

Saytda məqalələrin sayı - 3,924
Saytda ismarıcların sayı - 8

Bölmələr

Arxiv

Sayğac

Ziyarətçilərimiz

free counters
  • 19мая
    Səhiyyə ULU ÖNDƏRİN DOĞUM GÜNÜ MÜNASİBƏTİLƏ RAYON MƏRKƏZİ XƏSTƏXANASINDA TƏDBİR KEÇİRİLİB üçün şərhlər bağlıdır

     7Tədbirdə  xəstəxana publik hüquqi şəxsin direktoru Azər İsmayılov, Yeni Azərbaycan Partiyası Yevlax rayon təşkilatının aparat rəhbəri Əli Quliyev çıxış etdilər. Onlar ulu öndər Heydər Əliyevin müasir Azərbaycanın qurulmasında, dövlətçilik ənənələrinin möhkəmləndirilməsi istiqamətində gördüyü işlər barədə iştirakçıları məlumatlandırdılar.

    Çıxışlarda qeyd olundu ki, dövlət müstəqilliyinin qorunması, ölkəmizin nüfuzunun beynəlxalq arenada artmasında azərbaycançılıq prinsiplərinə daim sadiq qalan ümummilli liderin müstəsna rolu və xidmətləri var.Təsadüfi deyildir ki, ulu öndərin siyasi kursunun layiqli davamçısı olan Prezident İlham Əliyevin inkişaf strategiyasında da Azərbaycan dövlətinin təməlinin gücləndirilməsi, iqtisadi qüdrətinin artırılması, bu iqtisadiyyatın davamlı və dayanıqlı, eyni zamanda tarazlı inkişafının təmin edilməsi daim diqqət mərkəzində olan ən mühüm məsələlərdəndir. Daha ətraflı »

  • 03мая
    Səhiyyə MİLLİ MƏCLİSİN DEPUTATLARI ŞƏHƏRİMİZDƏ üçün şərhlər bağlıdır

    ONLAR  İCBARİ TİBBİ SIĞORTANIN TƏTBİQİ İLƏ TANIŞ OLDULAR

    3 Bildiyimiz kimi, İcbari Tibbi Sığortanın tətbiqi ilə  əlaqədar pilot layihə kimi  iki ərazi-Yevlax və Mingəçevir şəhərləri seçilib. Və artıq aylardır ki, rayon səhiyyəsi bu sistemlə işləməyə başlayıb. Bu gün tibb müəssisələrinə müraciət edənlərin sayı əvvəlki illərlə müqayisəyə gəlməyəcək qədər çoxdur. Həkim-xəstə münasibətlərinin nizama salınması, müayinə və müalicənin keyfiyyətlə aparılması üçün yeni tibb avadanlıqlarından istifadə, tibbi xidmətin səviyyəsini daha da artırmaq üçün həyata keçirilən digər işlər insanlarda rayon səhiyyəsinə hər zaman arzusunda olduğumuz marağı yarada bilib. Hər iş  günü xəstəxananın həyatı üçün gözlənildiyindən artıq qələbəliklə müşayiət 6.olunur. Bir sözlə, icbari tibbi sığortanın tətbiqindəki gözlənilən nəticənin-vətəndaşların  tibbi xidmətə əlçatanlığının özünü doğruldacağına  şübhə yoxdur. İndi hər hansı bir xəstəliyin müayinə və müalicəsi üçün  uzaqlara getməyə ehtiyac qalmayacaq.  Layihənin respublikanın bütün tibb müəssisələrində tətbiqinə başlanılması gözlənilir. Bəs, layihə çərçivəsində pilot ərazilərdə hansı işlər görülüb, yeniliklər nədən ibarətdir, nələr planlaşdırılır, əhalinin icbari tibbi sığortanın tətbiqinə münasibəti necədir?

    7.Aprelin 24-də Milli Məclisin Səhiyyə komitəsinin sədri Əhliman Əmiraslanov, komitənin üzvləri Musa Urud,  Məlahət İbrahimqızı, Kamilə Əliyeva, Kəmaləddin Qafarov, Rəşad Mahmudov, İlham Məmmədov, Qənirə Paşayeva, Sədaqət Vəliyeva, İqtisadi siyasət, sənaye və sahibkarlıq komitəsinin üzvləri Tahir Mirkişili və Mahir Abbaszadə icbari tibbi sığortanın tətbiqi ilə tanış olmaq məqsədilə pilot ərazilərdən birində-Yevlax Rayon Mərkəzi Xəstəxanasında oldular.

    Bildiyimiz kimi, Azərbaycanda icbari tibbi sığortanın tətbiqinə pilot layihə kimi Mingəçevir şəhəri və Yevlax rayonu seçilib. Pilot layihə çərçivəsində hər iki ərazidə  icbari tibbi sığortanın tətbiqi uğurla davam edir. Yevlax Rayon Mərkəzi Xəstəxanasında tibbi xidmətlərin keyfiyyətini yüksəltmək məqsədilə bir sıra yeniliklər həyata keçirilib. Burada fəaliyyətə başlayan Ailə Sağlamlıq Mərkəzi vətəndaşların tibbi xidmətə əlçatanlığını artırmaq məqsədilə yaradılıb. Bu mərkəzdə xəstələr ilkin olaraq ailə həkimləri tərəfindən müayinə və müalicə edilir, zərurət yaranarsa, xəstəxanaya və ixtisaslaşmış həkimlərin müayinə və müalicəsi üçün istiqamətləndirilir. Daha ətraflı »

  • 25Apr
    Səhiyyə BİR YUBİLYARA ÜNVANLANMIŞ TƏBRİK üçün şərhlər bağlıdır

    HƏMİŞƏ VAR OLUN!

    5 Onun kimi insanları görəndə böyük hind mütəfəkkiri Rabindranat Taqorun bir kəlamı yada düşür: Həyat bizə verilir, bizsə onu fəda edəndə qazanırıq. Bəli, bu günlərdə vidalaşdığı, ömrünün 50 ilinin tən yarısını tanınmış həkim-laborant Novruz  Rüstəmov məhz fəda edib. Ona müraciət edən insanların sağlamlığı keşiyində vicdanla, ləyaqətlə durmaqla.

    Biz hamımız onu ilk əvvəl yaxşı bir həkim kimi tanımışıq, sevmişik, amma insan kimi tanıyandan sonra bu sevginin miqyası da böyüyüb. Sadəliyi, səmimiliyi, xeyirxahlığı ilə gözümüzdə bir şəxsiyyət kimi ucalıb.

    Biz dedik, amma Novruz həkimin adı, şöhrəti lap gəncliyindən Yevlaxın hüdudlarını aşıb. İndi onun “Novruz” özəl tibb mərkəzinə  respublikanın bir çox rayonlarından müraciət edənlərin sayının çoxluğu dediklərimizin sübutudur. Daha ətraflı »

  • 18Apr
    Səhiyyə PİLOT ƏRAZİLƏRDƏKİ TİBB MÜƏSSİSƏLƏRİNDƏ ÇALIŞAN ORTA VƏ KİÇİK TİBB İŞÇİLƏRİNİN ƏMƏK HAQLARI ARTIRILDI üçün şərhlər bağlıdır

    1İcbari Tibbi Sığorta üzrə Dövlət Agentliyi Mingəçevir şəhərinin və Yevlax rayonunun inzibati ərazilərində Agentliyin tabeliyinə verilmiş tibb müəssisələrinin yeni prinsiplərlə maliyyələşməsi ilə əlaqədar olaraq “Pilot layihə çərçivəsində orta və kiçik tibb işçilərinin (heyətinin) əmək haqlarına əlavələrin hesablanması və ödənilməsi” Qaydalarını təsdiq edir. Bu Qaydalar orta və kiçik tibb işçilərinin mövcud əmək haqlarına əlavələrin verilməsi qaydasını müəyyən edir.

    İcbari Tibbi Sığorta üzrə Dövlət Agentliyi orta və kiçik tibb işçilərinin Prezidentin sərəncamları, qərarları, habelə Nazirlər Kabinetinin normativ hüquqi aktlarla tənzimlənən mövcud əmək haqlarına əlavələrin məbləğini aşağıdakı qaydada müəyyənləşdirib.

    Qaydalara əsasən, Reanimasiya şöbəsinin (laborant vəzifəsində çalışan orta tibb işçiləri istisna olmaqla), Cərrahiyyə şöbəsinin Əməliyyatxana bölməsinin (Əməliyyatxana bölməsində Əməliyyatxana texniki vəzifəsində çalışan orta tibbi işçiləri istisna olmaqla) orta tibb işçilərinin əmək haqları 200 manat artırılıb. Daha ətraflı »

  • 05Apr
    Səhiyyə NOVRUZ RAYİHƏLİ  BİR GÜN üçün şərhlər bağlıdır

    2 Həmin gün Şəhər Mərkəzi  Xəstəxanasının akt salonu sanki bahar təravətinə bürünmüşdü. Stolların üstü xalqımızın Novruzda sevə-sevə bişirdiyi dadlı şirniyyatlarla – paxlava, şəkərbura, qoğallarla bəzədilmişdi. Güllər, çiçəklər Novruzun atributu  yaşıl səməninin ətrafını dövrələyərək salona bir bahar duyğusu gətirmişdi.

    Sözügedən Novruz şənliyini Səhiyyə İşçiləri Həmkarlar Şurasının sədri Nurlana Məmmədova təşkil etmişdi. Bayramın xalqımız üçün qiymətli və əvəzolunmaz olduğunu vurğulayan N.Məmmədova şən və maraqlı tədbiri də elə bu sözlərlə açaraq, hamıya Novruz ətirli günlər dilədi.

    Musiqili, çal-çağırlı bu bayram şənliyinə qatılan ŞİH rəsmisi Vaqif Əliyev, “Kür” qəzetinin baş redaktoru, respublikanın əməkdar jurnalisti Əminə Yusifqızı, YAP Yevlax rayon təşkilatının aparat rəhbəri Əli Quliyev, “Yevlax rayon Mərkəzi Xəstəxanası” Publik Hüquqi Şəxsin rəsmisi Şahin Hüseynov, ağ xalat sahiblərindən Niyaz Hüseynov, Saleh Səfərov, Aydın Ellazov bu qədim və unudulmaz bayramın özəlliklərindən söz açmaqla yanaşı, İcbari Tibbi Sığortanın Yevlax səhiyyəsinə gətirdiyi yeniliklərdən, müsbət irəliləyişlərdən, tibb işçilərinin rifah halının yüksəlməsindən də bəhs etdilər. Daha ətraflı »

  • 09Mar
    Səhiyyə HESABAT – SEÇKİLƏR YEKUNLAŞMAQ ÜZRƏDİR üçün şərhlər bağlıdır

     YAP Yevlax Rayon təşkilatının Şura iclasında təsdiq olunmuş qrafik əsasında ərazi və məhəlli ilk partiya təşkilatlarında hesabat-seçki yığıncaqları artıq yekunlaşmaq ərəfəsindədir. Çağdaş durumda rayon təşkilatının 85 məhəlli və ərazi ilk partiya təşkilatında 8500 nəfər siyasi həmfikir birləşib. Onlardan 4382 nəfərini qadınlar, 1948 nəfərini isə gənclər təşkil edir. Onu da qeydə dəyər ki,  indiyə kimi 79 məhəlli ilk partiya təşkilatında partiyanın IX konfransı ilə əlaqədar hesabat-seçki yığıncaqları keçirilmiş və sözügedən konfransa 310 nəfər nümayəndə seçilmişdir.

    Belə hesabat-seçki yığıncaqlarından biri də bu günlərdə “Səhiyyə” ilk partiya təşkilatında baş tutmuşdur. Burada YAP Yevlax rayon təşkilatının aparat rəhbəri Əli Quliyev, Qadınlar Şurasının sədri Əminə Əhmədova, təşkilatın sədr müavini Vahid Quliyev iştirak edirdilər.

    Siyasi həmfikirlər ulu öndərin xatirəsini bir dəqiqəlik sükutla yad etdilər. Sonra yığıncağın sədri Əli Quliyev gündəlikdə duran məsələlərin müzakirəsi üçün toplantının öz işinə başladığını elan etdi. İştirakçılar YAP-ın sədr müavini Mehriban xanım Əliyevanın Birinci vitse-prezident seçilməsini dəstəklədilər.

    Sonra iştirakçılar önündə “Səhiyyə” məhəlli ilk partiya təşkilatının sədri Məhərrəm Gülməmmədov Azərbaycanın son dövrdə əldə etdiyi uğurlardan söz açdı və qarşıda duran vəzifələrə aydınlıq gətirdi.

    Daha ətraflı »

  • 09Mar
    Səhiyyə “KÜR”-ün EKSKLÜZİV MÜSAHİBƏSİ üçün şərhlər bağlıdır

    İCBARİ TİBBİ SIĞORTA: YENİ QAYDALARLA APARILAN XİDMƏTDƏN RAZISINIZMI?

     

    1 Dövlətimizin başçısı İlham Əliyevin müvafiq Sərəncamı ilə 2017-ci ilin fevral ayının 1-dən Rayon Mərkəzi Xəstəxanası icbari tibbi sığorta xidmətinə keçib. Dünyanın qabaqcıl və sivil ölkələrinin səhiyyə sisteminin təcrübəsinə əsaslanaraq şəhərimizdə tətbiq olunmuş yeni iş metodunun start aldığı vaxtdan artıq bir ay ötüb. Başa vurduğumuz ilk ayın nəticələrini öyrənmək məqsədilə Qadınlar bayramı ərəfəsində xəstəxanada olduq, icbari tibbi sığorta xidmətinə məhz anaların necə qiymət verdiyini bilmək üçün xəstələrə suallar ünvanladıq.

    Suallarımıza Yevlax sakinlərinin verdiyi cavablarla qəzetimizin oxucularını tanış edirik.

    Əcəmi kənd sakini Şəfiqə Mirzəli- yeva: -Biz burada yeni və fərqli bir səhiyyə xidmətinin şahidi olduq. Xəstəliyimizlə əlaqədar müayinə ediləndə və müalicə üçün reseptlər yazılanda həmişəkindən keyfiyyətli bir yanaşma gördük.

    Daha ətraflı »

  • 14Fev
    Səhiyyə SƏHİYYƏ üçün şərhlər bağlıdır

    FƏALİYYƏTİN BAŞLICA İSTİQAMƏTİ:YEVLAXLILARA YÜKSƏK SƏVİYYƏLİ TİBBİ XİDMƏT GÖSTƏRMƏK

    3 Əhalinin sağlamlığına qayğı rayonda fəaliyyət göstərən tibb müəssisələrinin daim diqqət mərkəzində olmuş, bu istiqamətdə bir sıra işlər görülmüşdür.

    Ölkə əhalisinin sağlamlığını daim diqqətdə saxlayan Azərbaycan Prezidenti İlham Əliyevin tapşırığına əsasən 2016-cı il fevral ayının 15-dən may ayının 1-dək rayon əhalisinin 90199 nəfəri tibbi müayinədən keçmişdir. Müayinədən keçənlərin 87 min nəfəri sağlam hesab edilmiş, 281 nəfəri stasionar, 2789 nəfəri ambulator müalicə almış, 61 nəfəri isə müalicə üçün Bakı şəhərinə göndərilmişdir.

    İmtiyazlı və dispanser qeydiyyatında olan xəstələrin dərman və sarğı materialları ilə təchizatı yaxşılaşdırılmışdır. Diabetli xəstələrin pulsuz olaraq dərmanlarla təchizi sistemli xarakter almışdır. 3413 nəfər diabet xəstəsi, 65 nəfər böyrək çatışmazlığı olan xəstə dərmanla tamamilə təchiz olunur.

    İl ərzində 3567 nəfər stasionar, 151837 nəfər ambulator müalicə almışdır. Hesabat dövründə 1741 nəfər uşaq doğulmuş, 32391 nəfər uşaq  müxtəlif xəstəliklərə qarşı peyvənd almışdır. Bir yaşa qədər uşaq və ana ölümü faktı olmamışdır.

    Daha ətraflı »

  • 14Fev
    Səhiyyə İCBARİ TİBBİ SIĞORTANIN TƏTBİQİ İLƏ BAĞLI  PİLOT LAYİHƏNİN ŞƏHƏRİMİZDƏ TƏTBİQİ YEVLAXIN ÖNƏMİNİ BİR DAHA DİQQƏTƏ ÇATDIRDI üçün şərhlər bağlıdır

    Artıq Mingəçevir şəhərində və Yevlax rayonunda icbari tibbi sığorta pilot layihəsi icra edilməyə başlayıb və 2017-ci il bu istiqamətdə önəmli il olmalıdır.

                                                    İlham ƏLİYEV

    Azərbaycan Respublikasının Prezidenti

     1İcbari tibbi sığortanın (İTS) tətbiqi artıq günümüzün tələbinə çevrilib. Əhaliyə göstərilən tibbi xidmətin daha da yaxşılaşdırılması icbari tibbi sığortanın tətbiqinə başlanmasını zərurətə çevirib. Dövlət başçısının sərəncamı ilə  yaradılan və 2016-cı ilin fevralından fəaliyyətə başlayan İcbari Tibbi Sığorta üzrə Dövlət Agentliyi icbari tibbi sığortanın  tətbiqi ilə əlaqədar pilot ərazi olaraq Yevlaxı və qonşu Mingəçevir şəhərini seçib.

    İcbari Tibbi Sığorta üzrə Dövlət Agentliyinin direktoru  Zaur Əliyev  İTS ilə bağlı fikirlərini mətbuata bu cür açıqlayıb: -Angentliyin yaradılması hökumətin sosial siyasətinin yeni istiqamətidir. Prezident İlham Əliyevin tapşırığına əsasən, ölkə vətəndaşlarının tibbi xidmətlə daha keyfiyyətli təmin edilməsi əsas məsələlərdən biridir. Həmçinin tibbi sığortanın tətbiqi səhiyyə sahəsində islahatların tərkib hissəsidir.  Prezident İlham Əliyevin tapşırığına əsasən, ölkə əhalisinin tibbi xidmətlə daha keyfiyyətlə təmin edilməsi əsas məsələlərdən biridir. Agentliyin məqsədi səhiyyə  sisteminin maliyyələşməsinin yeni iqtisadi əsaslarda qurulmasını təmin etmək, əhalinin tibbi xidmətlərdən istifadə imkanlarını artırmaqdır.

    Daha ətraflı »

  • 24Yan
    Səhiyyə YEVLAX RAYON MƏRKƏZİ XƏSTƏXANASINA DİREKTOR TƏYİN EDİLİB üçün şərhlər bağlıdır

    1 Nazirlər Kabineti yanında İcbari Tibbi Sığorta üzrə Dövlət Agentliyinin direktoru Zaur Əliyevin əmri ilə Yevlax Rayon Mərkəzi Xəstəxanasının və Yevlax Şəhər Uşaq Xəstəxanasının bazalarında mövcud qanunvericiliyin tələblərinə uyğun olaraq Yevlax Rayon Mərkəzi Xəstəxanası publik hüquqi şəxs, Mingəçevir Şəhər Mərkəzi Xəstəxanasının bazasında isə Mingəçevir Şəhər Mərkəzi Xəstəxanası publik hüquqi şəxs yaradılıb.

    Yevlax Rayon Mərkəzi Xəstəxanası publik hüquqi şəxsə Azər İsmayılov direktor təyin edilib.

    Azər İsmayılov Azərbaycan Tibb Universitetinin məzunudur, daha sonra təhsilini Türkiyənin Ege Universitetində davam etdirmişdir.

    Qeyd edək ki, icbari tibbi sığorta sisteminin həyata keçiriləcəyi  Mingəçevir və Yevlaxdakı dövlət tibb müəssisələrinə təyin edilən direktorlar inzibati, təsərrüfat və maliyyə işlərinə nəzarət edəcəklər.

Səhifə 1 cəmi 1712345678910...Sonuncu »

Yeni ismarıclar

  • Salam eziz yerlilerim. Mende Yevlaxliyam, baxmayaraq ki, ve...
  • tebrik edirem. daha boyuk uqurlar arzulayiram...
  • Uğurlarınız axarıncı olsun!!!...
  • Təbriklər!...
  • Ş.Qurbanov adına 8 saylı orta məktəbin "İlin ən yaxşı məktəb...