Saytın ümumi statistikası:

Saytda məqalələrin sayı - 3,824
Saytda ismarıcların sayı - 8

Bölmələr

Arxiv

Sayğac

Ziyarətçilərimiz

free counters
  • 14Fev
    Digər FƏXRİ DÖŞ NİŞANI İLƏ TƏLTİF OLUNMUŞDUR üçün şərhlər bağlıdır

     Rayonumuzun təhsil işçiləri sırasında yola saldığımız ildə fəxri ada layiq bilinmiş pedaqoqlardan biri də 3 nömrəli tam orta məktəbin müəllimi Səkinə Səmədovadır. Səkinə müəllimə çalışdığı təhsil ocağında tədris etdiyi tarix fənnini şagirdlərə dərindən mənimsətməklə yanaşı, onların təlim-tərbiyəsində də bilik və  bacarığını əsirgəmir. Zəngin pedaqoji təcrübəsi olan Səkinə müəllimə kollektivin sevimlisinə  çevrilib. Respublika Təhsil Nazirliyi uzun illər səmərəli pedaqoji fəaliyyətini  nəzərə alaraq Səkinə Səmədovanı “Qabaqcıl maarif  işçisi” döş nişanı ilə təltif etmişdir.

     

  • 14Fev
    Digər ZƏHMƏTİM DƏYƏRLƏNDİRİLDİ üçün şərhlər bağlıdır

    7 1976-cı ildə Bakı Rabitə Texnikumunu bitirdikdən  sonra təyinatla doğma şəhərimizdəki Rabitə Qovşağında  əmək fəaliyyətinə başlamışam. Vaxtilə həmin kollektivə  işə qəbul olunmağım barədə  verilmiş əmr 40 ildir ki, dəyişməz qalır. Və  mən gəncliyimdə seçdiyim bu peşəyə qəlbən bağlandığım üçün daim öz üzərimdə çalışır, ixtisasım üzrə biliyimi, təcrübəmi, intellekt səviyyəmi artırmaq üzərində düşünürəm. Son illər ölkəmizdə rabitə və yüksək  texnologiyalar sahəsində baş verən yeniliklər Yevlax rabitəsində də öz təsdiqini tapıb. Və Telekommunikasiya Qovşağının tamamilə yenidən qurulmasında, ən  yüksək tezlikli rabitə aparatlarının  quraşdırılmasında mənim də zəhmətim olub.

    Son nəticədə rəhbərlik, nazirlik uzun illər səmərəli fəaliyyətimi, məsuliyyətli və vicdanlı əməyimi nəzərə alaraq  2016-cı ilin nəticələrinə görə mənə “Rabitə ustası” fəxri  adı  verib.

    Beləliklə, ötən il mənim də həyatımda əlamətdar oldu və mən Qovşaqda üzərimə düşən rabitə mühəndisi vəzifəsini ləyaqətlə icra etməklə bu etimadı daha da doğrultmağa çalışacağam.

    Daha ətraflı »

  • 14Fev
    Digər ÖTƏN İLİN TƏQVİMİNDƏN üçün şərhlər bağlıdır

     Bizim bütün uğurlarımızın mərkəzində Azərbaycan vətəndaşı dayanır. Xalq, ictimaiyyət tərəfindən verilmiş və verilən dəstək, əlbəttə ki, bizi həm gücləndirir, həm də ruhlandırır.

    İlham ƏLİYEV

    Azərbaycan Respublikasının Prezidenti

    1Azərbaycan Prezidenti İlham Əliyevin tapşırığına uyğun olaraq Baş nazirin müavini,Yeni Azərbaycan Partiyasının (YAP) sədr müavini-icra katibi Əli Əhmədov şəhərimizdə rayon ictimaiyyəti nümayəndələri ilə  səmimiliyi və effektliliyi ilə seçilən görüş keçirib. Görüşdəki çıxışında Əli Əhmədov sosial-iqtisadi inkişaf sahəsində əldə edilən uğurlardan danışarkən bunları deyib: “Siz bunu yaşadığınız Yevlax şəhərinin timsalında da aydın görürsünüz.Yevlax ötən illərin Yevlaxı deyil. O qədər müasirləşib, yenilənib, abadlaşıb, gözəlləşib ki…”  şəkil 1

    2Dövlət Statistika Komitəsi və Prezident Administrasiyasının Regional idarəetmə və yerli özünüidarəetmə orqanları ilə iş şöbəsinin birgə təşkilatçılığı ilə Yevlaxda “Kənd inzibati ərazi  dairələri təsərrüfatbaşına uçot sənədlərinin tətbiqi” adlı zona müşavirəsi keçirildi. Yevlax, Göyçay, Goranboy, Ağdaş, Xocalı və Ucar rayonlarından  icra hakimiyyəti başçılarının aidiyyatı müavinlərinin, kənd inzibati ərazi dairəsi üzrə nümayəndələrin, yerli statistika orqanlarının rəhbərlərinin, o cümlədən uçot sənədlərinin aparılmasına məsul olan şəxslərin dəvətli olduğu müşavirədə Prezident Administrasiyasının məsul işçisi Vəfadar Bağırov, Dövlət Statistika Komitəsinin sədr müavini Yusif Yusifov, Şəhər İcra Hakimiyyətinin Başcısı Qoca Səmədov iştirakçılara dəyərli məsləhətlər və tövsiyələr vermişlər.  şəkil 2

    3Yeni Azərbaycan Partiyası (YAP) Qadınlar Şurasının sədri Nurlana Əliyeva, YAP Qadınlar Şurası İdarə Heyətinin üzvü, Azərbaycan Səhiyyə Nazirliyi “Gözəllik” Mərkəzinin direktoru Zərifə Quliyeva, 3 şəhər və 8 rayon olmaqla  ümumilikdə regiondan 11 ərazi üzrə YAP qadınlar şuralarının üzvlərinin iştirakı ilə “Multikultural dəyərlər və azərbaycançılıq ideologiyası” adlı konfrans keçirildi. “Azərbaycanda multikulturalizm dövlət siyasətinin tərkib hissəsini təşkil edir. Multikultural nəzəriyyənin əsasında ulu öndərin müəllifi olduğu azərbaycançılıq ideologiyası dayanır”. Bu fikirlər konfransın ana xəttini təşkil edirdi.   şəkil 3

    Daha ətraflı »

  • 08Fev
    Yevlax ŞİH-də KƏND VƏ QƏSƏBƏ İNZİBATİ ƏRAZİ DAİRƏLƏRİ ÜZRƏ NÜMAYƏNDƏLİKLƏRİN HESABAT YIĞINCAQLARI üçün şərhlər bağlıdır

    QARŞIDA DURAN VƏZİFƏLƏRDƏN DƏ DANIŞILDI

    1 Rayonumuzun iri yaşayış bölgələrindən biri də qədim İpək yolu üzərində yerləşən  Aran qəsəbəsidir. Ərazisində 1225 təsərrüfatı birləşdirən qəsəbədə 7365 nəfər əhali yaşayır. Həmçinin 928 nəfərdən ibarət 252 qaçqın və məcburi köçkün ailəsinə sığınacaq vermiş nümayəndəlikdə onların da sosial-məişət  qayğıları daim diqqətdə  saxlanılır. İllər ötdükcə Aran qəsəbəsi öz simasını yaxşılığa doğru dəyişir. Burada görülmüş inşaat, tikinti-abadlıq, yenidənqurma işləri və İpək yolu boyu cərgələnmiş ticarət, ictimai iaşə və digər  xidmət obyektləri dediklərimizə canlı sübutdur. Bu xidmət müəssisələri yerli əhalinin gündəlik tələbat mallarına ehtiyaclarını ödəmək, məişət qayğılarını  yüngülləşdirməklə yanaşı qəsəbə ərazisindən ötüb keçənlərin də diqqətini cəlb  edir. 

    2Məhz yanvarın 23-də yuxarıda haqqında qısa anons verdiyimiz Aran qəsəbə İƏD üzrə nümayəndəliyin hesabat yığıncağı keçirilmişdir. Qəsəbə  Mədəniyyət evində düzənlənmiş tədbiri İƏD üzrə nümayəndə Arif Qurbanov açaraq iştirakçıları, xüsusilə ŞİH Başçısı Qoca Səmədovu, şəhər rəsmilərini, hüquq- mühafizə, prokurorluq orqanlarının və xidmət idarələrinin rəhbərlərini nümayəndəlik adından salamlamışdır. Sonra o, hesabat məruzəsi ilə çıxış edərək ötən bir ildə qazanılan uğurlar və qarşıda duran vəzifələr barədə ətraflı məlumat vermişdir. İlk öncə nümayəndəliyin ərazisindəki iri təşkilatlardan Yuxarı Qarabağ Kanalı İstismarı, Suvarma Sistemləri, “Melioservis” idarələrinin, Sudan istifadə edənlər assosiasiyasının adlarını çəkən natiq qəsəbədə 3 tam orta məktəbin, 1 musiqi məktəbinin, 3 körpələr evi-uşaq bağçasının, 1 həkim  məntəqəsinin, 2 mədəniyyət  evinin, 3 kitabxananın, 2 poçt şöbəsinin, 115 məişət və ticarət obyektlərinin, 2 icma layihə komitəsinin və digər sosial yönümlü şəbəkələrin fəaliyyət göstərdiyini diqqətə çatdırmışdır. Onu da vurğulamışdır ki, adlarını sadaladığı həmin təşkilatlarda 1300 nəfərdən çox qəsəbə sakini çalışır.

    Daha ətraflı »

  • 08Fev
    Yevlax ŞİH-də VERGİLƏR NAZİRLİYİ YEVLAXDA SAHİBKARLARLA GÖRÜŞ KEÇİRİB üçün şərhlər bağlıdır

    3 Azərbaycan Respublikasının Prezidenti cənab İlham Əliyev tərəfindən 23 dekabr 2016-cı il tarixdə imzalanmış və 2017-ci ilin yanvar ayının 1-dən qüvvəyə minən “Vergi Məcəlləsində dəyişikliklər edilməsi haqqında” və “Vergi ödəyicilərinin 2017-ci ilin 1 yanvar tarixinə mövcud olan vergi borclarının tənzimlənməsi haqqında” Qanunların, habelə vergi inzibatçılığında baş vermiş dəyişikliklərin mahiyyətinin sahibkarlara və iş adamlarına bilavasitə çatdırılması məqsədilə Vergilər Nazirliyi ölkənin regionlarında fəaliyyət göstərən vergi ödəyiciləri ilə silsilə görüşləri davam etdirir.

    Növbəti görüş yanvarın 26-da Yevlax şəhərində 11 saylı Ərazi Vergilər Departamentinin əhatə dairəsinə daxil olan Mingəçevir şəhəri, Şəki, Yevlax, Tərtər və Bərdə rayonlarından olan sahibkarlarla keçirilib.

    Görüşdə çıxış edən vergilər nazirinin müavini Sahib Ələkbərov Vergi Məcəlləsinə edilmiş dəyişikliklərin əsas məqsədinin ölkədə kiçik və orta biznesin inkişafına daha əlverişli şəraitin yaradılması, vergi yükünün azaldılması, vergi orqanları və sahibkarlıq subyektləri arasında qarşılıqlı etimadın səviyyəsinin yüksəldilməsi, dürüst və şəffaf vergi uçotunun qurulması olduğunu bildirib. Nazir müavini həmçinin qeyd edib ki, ölkə başçısının təşəbbüsü ilə qəbul olunmuş “Vergi ödəyicilərinin 2017-ci ilin 1 yanvar tarixinə mövcud olan vergi borclarının tənzimlənməsi haqqında” Qanunun sahibkarların maliyyə vəziyyətinin sağlamlaşdırılmasına, onların sərəncamında əlavə vəsaitlərin qalmasına, sahibkarlığın inkişafının stimullaşdırılmasına və daha əlverişli biznes mühitinin formalaşdırılmasına xidmət edir.

    Daha ətraflı »

  • 08Fev
    Digər 2 FEVRAL GƏNCLƏR GÜNÜDÜR üçün şərhlər bağlıdır

     Mən 2003-cü ildə Prezident kimi fəaliyyətə təzə başlayanda demişdim ki, bizim əsas vəzifəmiz  iqtisadi kapitalı, daha doğrusu, “qara qızıl”ı insan kapitalına çevirməkdir. Bugünkü gənclər-müstəqillik dövründə böyümüş, tərbiyə almış gənclər bizim üçün qürur mənbəyidir… Doğrudan da bizim gələcəyimiz etibarlı əllərdədir. Azərbaycanın gələcək inkişafı gənclərin əlində olmalıdır. Gənclər bilikli, savadlı, peşəkar və vətənpərvər olmalıdırlar.

    İlham ƏLİYEV

    Azərbaycan Respublikasının Prezidenti 

    DİNAMİK İNKİŞAFIN FƏAL QÜVVƏSİ

    1 Gənclik böyük qüvvədir, gələcəyimizin qarantıdır. Gəncliyin inkişafı, gənclərin dünya birliyinə inteqrasiyası və bu istiqamətdə böyük tədbirlərin keçirilməsi  dövlət siyasətinin prioritetlərindəndir. Dövlət gənclər siyasəti gənclərin öz bilik və bacarıqlarının, potensialının səmərəli reallaşdırılmasını, cəmiyyətdə layiqli yer tutmasını təmin edən şəraitin yaradılması məqsədilə müəyyən edilmiş prioritetlər və həyata keçirilən tədbirlər sistemidir. Ölkənin sosial-iqtisadi, elmi və mədəni inkişafı  gənclərin inkişafı ilə sıx əlaqədədir, onun qlobal  rəqabətə davamlılığının, milli təhlükəsizliyinin vacib şərtlərindəndir.

    Bunu özünəxas uzaqgörənliklə, müdrikcəsinə dəyərləndirən ulu öndər Heydər Əliyev 1969-cu ildə hakimiyyətə gəldikdən sonra gəncləri təhsil almaq üçün ölkə  xaricinə, inkişaf etmiş ölkələrin tanınmış ali təhsil müəssisələrinə oxumağa göndərirdi. Gəncləri ölkənin gələcəyi kimi xarakterizə edən ulu öndər onları böyük qüvvə hesab edirdi.

    Azərbaycanın müstəqilliyinin ilk illəri ölkə gəncliyi  üçün də ən ağır dövr oldu. Hakimiyyətə rəhbərlik təcrübəsi olmayan insanların gəlişi ilə  respublikada bir anarxiya, özbaşınalıq yaranmışdı. Və belə bir şərait gənclərin həyatına mənfi təsirlər göstərdi.

    Amma xalqın təkidli tələbi ilə yenidən ölkəyə rəhbərliyə qayıdışı ilə  ümummilli lider Heydər Əliyev bütün sahələrdə olduğu kimi  gəncliyin də inkişafında böyük dönüş yaratdı.

    Heç təsadüfi deyildir ki, hakimiyyətə gəlişindən az sonra-26 iyul 1994-cü ildə Prezident Heydər Əliyevin fərmanı ilə  Gənclər və İdman Nazirliyi yaradıldı. Bu, dövlət gənclər siyasətinin həyata keçirilməsi istiqamətində olduqca vacib və zəruri bir tədbir idi.

    Daha ətraflı »

  • 08Fev
    Təhsil BACARIQLI QIZ üçün şərhlər bağlıdır

     Onu bizə təqdim edəndə, Yeni Azərbaycan Partiyası Yevlax rayon təşkilatı aparatının rəhbəri Əli Quliyev bunu xüsusi vurğladı: -Zülfiyyə bizim təşkilatın fəaliyyətində ayrıca yeri olan bir gənc xanımdır. Özü ilə söhbət etsəniz, həm də maraqlı bir müsahib olduğunun şahidi olarsınız.

    Budur, Zülfiyyə Mahmudova ilə üz – üzə oturmuşuq. Gülərüz bir insan olan həmsöhbətimiz özünü belə təqdim etdi:

    -Mən şəhərimizdəki iri təhsil müəssisələrindən birinin-2 nömrəli tam orta məktəbin məzunuyam. Uşaqlıq arzumdu müəllim olmaq. Qəbul imtahanlarını yüksək səviyyədə verdim və Azərbaycan Beynəlxalq Universitetinin ingitlis dili fakültəsinə daxil oldum. Və ali təhsilimi başa vurandan sonra iş üçün müraciət etdim. Bir çətinlik olmadı. 2006-cı ildə o zamankı rayon rəhbərliyinin gənclərə  göstərdiyi xüsusi diqqət və qayğıdan bəhrələnə bildim. Həmin ildən hazırda çalışdığım 3 nömrəli tam orta məktəbdə müəllim işləməyə başladım.

    Daha ətraflı »

  • 08Fev
    Digər “GƏNCLİYƏ QAYĞI GÖSTƏRİLİR” üçün şərhlər bağlıdır

    2 Şəhərimizdəki 5 nömrəli tam orta məktəbi bitirdikdən sonra ali təhsil almaq arzusu ilə iştirak etdiyi qəbul imtahanlarından topladığı balla Gəncə Dövlət Universitetinin riyaziyyat-informatika fakültəsinə daxil olan Elnur seçdiyi peşənin mütəxəssisi olmanın yorulmadan çalışmaq olduğunu yaxşı bilirdi. Ona görə də səylə çalışırdı, daha çox öyrənməyə can atırdı.

    Universiteti bitirdikdən sonra öz hərbi borcunu vermək üçün əsgərliyə getdi. Qayıtdıqdan sonra müəllim kimi ilk əmək fəaliyyətinə Goranboy rayonunun Muzdurlar kənd tam orta məktəbində başladı. Burada çalışdığı 3 il ərzində həmkarlarının da, dərs dediyi şagirdlərin də xətir- hörmətini qazana bildi.

    Ötən ilin aprelindən şəhərimizdə fəaliyyət göstərən Məhdud Fiziki İmkanlı İnsanlar üçün Yevlax Regional İnformasiya Mərkəzinin direktoru vəzifəsini icra edən Elnur Məmmədov  həm də Yeni Azərbaycan Partiyasının üzvüdür. Partiyanın rayon təşkilatının xətti ilə keçirilən elə bir tədbir yoxdur ki, orada iştirak etməsin. Mühüm siyasi kampaniya olan seçkilərdə də YAP fəalları içərisində onu da görmək olar.

    Daha ətraflı »

  • 08Fev
    Digər “MƏN İŞİMDƏN ÇOX ZÖVQ ALIRAM” üçün şərhlər bağlıdır


    3 Elvin Əzizli Yevlax Regional Poçt filialında işlədiyi vaxtdan çox az müddət keçib. Amma elə bu qısa zaman kəsiyində bu gənc oğlan həm çalışdığı kollektivin, həm də rəhbərliyin hörmətini qazana bilib. Filialın rəisi Adil Mehdiyev Elvin haqqında elə beləcə də söylədi:-Çox əla gəncdir. İşgüzar, ona tapşırılan işin öhdəsindən layiqincə gəlməyi bacaran, intizamlı və olduqca tərbiyəli.

    Elvinlə söhbət əsnasında rəisinin onun barəsində söylədiklərinin şahidi oluram. Bildirir ki, şəhərimizdəki 9 nömrəli tam orta məktəbin məzunudur. Ali təhsil alır. Gəncə Dövlət Aqrar Universitetinin elektroenergetika mühəndisliyi fakültəsinin (qiyabi) tələbəsi olan Elvin iki il əvvəldən icrasına başladığı pul köçürmələri üzrə əməliyyatçı vəzifəsində çalışır. Söyləyir ki, öz işini çox sevir. Hər gün müxtəlif xarakterli, müxtəlif yaş qruplarından olan insanlarla ünsiyyətdə olmaq, onlara xidmət etmək o qədər də asan deyil. Amma o çalışır ki, bunun öhdəsindən qüsursuz gəlsin. Hər iş gününün onun üçün bir həyat dərsi olduğunu deyir Elvin.

    Elvin həm də olduqca vətənpərvər gəncdir. Deyir ki, öz Vətənini çox sevir, burada gənclər, onların inkişafı üçün hər şərait var. Ən əsası isə odur ki, dövlət başçısı cənab İlham Əliyevin apardığı uğurlu daxili və xarici siyasət Azərbaycanı yaşamaq üçün ideal məkana çevirib:

    -Bu gün dünyanın böyük- böyük dövlətləri bir-birindən dəhşətli terrorlar üzündən səfər və yaşamaq üçün təhlükəli, arzuolunmaz yerlərə çevrilməkdədir. Amma şükürlər olsun ki, biz olduqca dinc şəraitdə yaşayır və işləyirik, gələcəyimiz üçün çalışırıq.

    Daha ətraflı »

  • 08Fev
    Təhsil TƏHSİL üçün şərhlər bağlıdır

    “TARİX FƏNNİNİN TƏDRİSİNDƏ MÜASİR TƏLİM METODLARINDAN İSTİFADƏ”

     Şəhər Təhsil Şöbəsində keçirilən növbəti seminar belə adlanırdı.

    Məlum olduğu kimi müəllim təhsil və təlimin aparıcı qüvvəsidir. Odur ki, təhsilverənlərin elmi, nəzəri, metodiki hazırlıq məsələləri daim diqqət mərkəzində saxlanılmalıdır.

    Məhz ona görə də Şəhər Təhsil Şöbəsi fənn müəllimlərinin hazırlıq səviyyəsini artırmaq, keyfiyyət göstəricilərini yaxşılaşdırmaq məqsədilə geniş və əhatəli tədbirlər planının icrasını davam etdirir.

    Doqquz ildir ki, təhsildə yeni islahat proqramı (kurikulum) tətbiq olunur. Artıq digər fənlərlə yanaşı tarix fənni müəllimlərinin kurikulum təlim kurslarının keçirilməsi tamamilə yekunlaşmışdır.

    Şəhər Təhsil Şöbəsinin tədbirlər planına uyğun olaraq əksər fənlər üzrə seminarlar, nümunəvi dərslər keçirilir, fənn müəllimləri arasında təcrübə mübadiləsi aparılır. Belə tədbirlərdən biri də tarix müəllimləri ilə keçirilmişdir.

    Seminarı ŞTŞ-nin müdiri Zərifə Məmmədova açmışdır. O, qeyd etmişdir ki, ölkəmizdə təhsil sahəsində keyfiyyət və məzmun dəyişiklikləri aparılır.

    Daha ətraflı »

Səhifə 10 cəmi 382« Birinci...6789101112131415...Sonuncu »

Yeni ismarıclar

  • Salam eziz yerlilerim. Mende Yevlaxliyam, baxmayaraq ki, ve...
  • tebrik edirem. daha boyuk uqurlar arzulayiram...
  • Uğurlarınız axarıncı olsun!!!...
  • Təbriklər!...
  • Ş.Qurbanov adına 8 saylı orta məktəbin "İlin ən yaxşı məktəb...