Saytın ümumi statistikası:

Saytda məqalələrin sayı - 3,824
Saytda ismarıcların sayı - 8

Bölmələr

Arxiv

Sayğac

Ziyarətçilərimiz

free counters
  • 17Mar
    Təhsil TƏHSİL YENİLİKLƏRİ üçün şərhlər bağlıdır

    50 MİNƏ YAXIN MÜƏLLİMİN ƏMƏK HAQQI ARTA BİLƏR

     

     Cari ilin aprel-may aylarında ölkəmizin digər 26 şəhər və rayonunun dövlət ümumi təhsil müəssisələrində çalışan müəllimlərin bilik və bacarıqlarının diaqnostik qiymətləndirilməsi keçiriləcək.Təhsil Nazirliyindən verilən məlumata görə, qiymətləndirmədə  Qax, Qəbələ, Şəki, Zaqatala və digər rayon və şəhərlərlə yanaşı Yevlaxın da müəllimləri iştirak edəcəklər.

    Diaqnostik qiymətləndirmənin nəticələrinə əsasən ümumi təhsil müəssisələrində çalışan müəllimlərin bilik və bacarıq səviyyələri müəyyənləşdiriləcək, onların dərs yükü norması və əməkhaqqı artırılmaqla maddi rifahı yaxşılaşdırılacaq. Həmçinin həmin müəllimlərin əlavə təlim ehtiyacları müəyyən olunacaqdır.

    RESPUBLİKADA BÜTÜN MƏKTƏBLƏR TƏMAYÜLLÜ OLACAQ

    Təmayülləşməyə kütləvi şəkildə keçid növbəti dərs ilində reallaşacaq. 2017 – 2018-ci tədris ilindən etibarən Azərbaycanın bütün bölgələrində ümumtəhsil məktəblərində tam orta təhsil səviyyəsində təhsil təmayüllər üzrə təşkil olunacaq. Bu haqda məlumatı təhsil rəsmisi Gülarə Xudiyeva verib. Onun sözlərinə görə, növbəti dərs ilində respublikada tam orta təhsil səviyyəsində təmayülləşməyə kütləvi şəkildə keçid olacaq: “İndiyə qədər bu pilot layihə şəklində həyata keçirilirdi. Ancaq təhsil haqqında qanunun tələblərinə uyğun olaraq növbəti tədris ilindən respublikanın bütün bölgələrində ümumtəhsil məktəblərində tam orta təhsil səviyyəsi təmayüllər üzrə təşkil olunacaq”.

    Daha ətraflı »

  • 17Mar
    Təhsil TƏHSİLDƏ YENİ YANAŞMALAR üçün şərhlər bağlıdır

    2 Son bir neçə ildə şəhər 5 nömrəli  tam orta məktəbdə təhsil sahəsində uğurlar, nailiyyətlər qazanılmış, bir çox ilklərə, yeniliklərə imza atılmışdır.

    Yeni tədris ilində bu tədris müəssisəsi yeni bir təşəbbüsə imza atmışdır. Şagirdlərə müasir bacarıqlar, sərbəst düşünmə tərzi və qarşıya qoyulan məqsədə daha tez yetişmək naminə yeni, texniki avadanlıqların vacibliyini düşünərək Təhsil Nazirliyinin Təhsil Sistemlərinin İnformasialaşdırılması İdarəsinin rəisi Samir Məmmədova məktubla müraciət edilmişdir. Bildirilmişdir ki, 2006-cı ildən bu günədək məktəbin informatika otaqlarında köhnəlmiş və günün tələblərinə cavab verməyən “Kür” markalı kompüterlərdən istifadə olunur. Şagirdlər çox əziyyət çəkirlər, müəllimlər isə istədikləri proqramlarda işləyə bilmirlər. 1030 nəfər şagird  və 161 nəfər pedaqoji və texniki kollektivin xahişini nəzərə alıb, bizə noutbook, proyektor, printer və kompüter dəstləri verəsiniz. Onu da bilməlisiniz ki,  məktəbimiz lokal şəbəkəyə qoşulmuşdur.

    Məktuba cavab özünü çox da gözlətməmişdir. Təhsil Sisteminin İnformasiyalaşdırılması İdarəsinin rəisi S.Məmmədov cavab olaraq bildirib ki, ümumtəhsil məktəblərinin İKT avadanlıqları ilə təmin olunması həmin müəssisənin pedaqoji heyətinin İKT üzrə təlim kurslarında iştirakından, yekun qiymətləndirmənin nəticələrindən və Təhsil Nazirliyi tərəfindən dövlət nümunəli sənəd verilməsindən asılı olaraq həyata keçirilir.

    Daha ətraflı »

  • 17Mar
    Digər Y A Z    G Ə L D İ üçün şərhlər bağlıdır

    Çiçək açır bənövşələr,

    Göz oxşayır çöl, meşələr.

    Bülbül oxur şən nəğmələr,

    Deyir yaz gəldi, yaz gəldi.

    Göy gurlayır, şimşək çaxır,

    Dağ-dərədən  sellər  axır.

    Bulud göydən yerə baxır,

    Deyir yaz gəldi, yaz gəldi.

    Daha ətraflı »

  • 17Mar
    Digər DAHİLƏRİN HƏYATINDAN üçün şərhlər bağlıdır

    ÇARLİ ÇAPLİNİN QIZINA MƏKTUBU

     Əvvəli ötən saylarımızda

     Səndən danışaq. Sənin Ceraldina adından sonra mənim soyadım, Çaplin soyadı gəlir. Bu soyad ilə mən qırx ildən artıq səhnələrdə insanları güldürürəm. Lakin mən onların güldüyündən dəfələrlə çox ağlamışam. Ceraldina, sənin yaşadığın aləmdə yalnız musiqi və rəqslər mövcud deyil. Gecəyarısı böyük zaldan çıxaraq sən pərəstişkarlarını unuda bilərsən, lakin səni evə aparan taksinin sürücüsündən onun xanımı haqqında maraqlanmağı unutma. Əgər onun xanımı hamilədirsə və yaxud əgər onların uşaq bezləri almağa pulları yoxdursa, sürücünün cibinə əlavə pul qoy. Mənim göstərişimə əsasən, bankda sənin bütün xərclərin ödənəcək. Hərdən metrodan və ya avtobusdan istifadə etməyə çalış. Piyada gəzintiyə çıx, şəhəri seyr et.

    İnsanlara diqqət yetir! Dul qadınlara və yetim uşaqlara bax! Və heç olmasa gündə bir dəfə özünə de: “Mən də onlar kimiyəm”. Bəli, qızım, sən onlardan birisən! Bundan savayı, incəsənət insanın göylərə uçması üçün ona qanadlar bəxş etməmişdən əvvəl adətən onun ayaqlarını qırır. Əgər bir gün sən özünü camaatdan üstün tutduğunu anlasan, dərhal səhnədən uzaqlaş. İlk taksi ilə Parisin kəndlərindən birinə get. Mən o kəndləri çox yaxşı tanıyıram! Sən orada sənin kimi çox rəqqasə görəcəksən, hətta səndən daha gözəl və zərif olanları da görəcəksən. Sənin teatrının projektorlarının göz qamaşdırıcı işıqları orada olmayacaq. Onlar üçün projektor Aydır.

    Daha ətraflı »

  • 17Mar
    İdman İDMAN: SƏRBƏST GÜLƏŞ üçün şərhlər bağlıdır

    ÖLKƏ BİRİNCİLİYİNDƏ İKİNCİ YERƏ ÇIXMIŞLAR

    4 5Bu günlərdə Şirvan şəhərində “Təhsil” Respublika İdman Mərkəzi 2003- 2005-ci il təvəllüdlü pəhləvanlar  arasında sərbəst güləş üzrə ölkə birinciliyi   keçirmişdir. Gərgin və maraqlı idman  mübarizəsi şəraitində düzənlənmiş bu  yarışda keçmiş SSRİ idman ustası Tofiq  Tağıyevin və dərəcəli  idmançı Saleh  Talıbovun  yetirmələri də  iştirak etmişlər. Yarışın əvvəlindən yüksək peşəkarlıq və texniki fəndlərlə rəqiblərinə qalib gəlmək əzmi göstərmiş pəhləvanlarımızdan Eldəniz  Məcnunov (2 nömrəli tam orta məktəbin VIIIc sinif şagirdi) və Vüqar Baxşəliyev (Aran qəsəbə 1 nömrəli tam orta məktəbin VIa sinif şagirdi) zədə aldıqlarından finalda rəqiblərinə   uduzaraq  ölkə birinciliyində ikinci   yerə çıxmışlar.

    Daha ətraflı »

  • 17Mar
    Digər MUSTAFA BAYRAM OĞLU ƏHMƏDOV üçün şərhlər bağlıdır

    2 Amansız ölüm Mustafa Əhmədovu uzun sürən ağır xəstəlikdən sonra    aramızdan apardı. O, 1949-cu il mart ayının 20-də Bərdə rayonunun Qarağacı kəndində ziyalı ailəsində anadan  olmuşdur. 1956-cı ildə  Malbinəsi kənd orta məktəbin  1-ci sinfinə  daxil olan  Mustafa 1966-cı ildə həmin  məktəbin 10-cu sinfini bitirmişdir. Həmin ildən Yevlaxda çıxan “Təşəbbüs” qəzeti redaksiyasında mürəttib, korrektor, ədəbi işçi  kimi  fəaliyyətə başlamış, 1969- cu ildə işləyə-işləyə Azərbaycan Dövlət Universitetinin jurnalistika fakültəsinin qiyabi şöbəsinə daxil olmuş, sonradan məktublar şöbəsinin, partiya həyatı şöbəsinin müdiri və redaktor müavini vəzifəsinə qədər  yüksəlmişdir. O, işlədiyi dövrdə rayonun ictimai-siyasi, təhsil, mədəniyyət, səhiyyə və aqrar sahəsində çalışanların fəaliyyətinin bir jurnalist olaraq qəzet səhifələrində işıqlandırılmasında, zəhmət adamlarının, qabaqcılların iş təcrübəsinin, dəyərli təşəbbüs və səmərələşdirici təkliflərinin yayılmasında, xüsusilə kütlələr arasında dövlətimizin siyasətinin təbliğ olunmasında, vətənpərvərlik ideologiyasının gücləndirilməsində əlindən gələni əsirgəməyib. Bütün bu keyfiyyətlərinə görə Mustafa Əhmədov sonradan partiyanın tapşırığı və göndərişi ilə Bakı Ali Partiya məktəbinə daxil olmuş, Şəhər Partiya Komitəsində təlimatçı işləmiş, 1986-cı ildə isə “Təşəbbüs” qəzetinin redaktoru vəzifəsinə irəli çəkilmişdir.

    Ulu öndərin yaradıcısı olduğu Yeni Azərbaycan Partiyasının təsis  konfransının fəal iştirakçısı olub. Həmin partiyanın ilk üzvü kimi Heydər Əliyev ideyalarına sədaqətini nümayiş etdirib. Uzun illər müxtəlif sahələrdə rəhbər vəzifələrdə çalışmış Mustafa Əhmədov sonradan dövlət qulluqçusu olduğu üçün rəis işlədiyi Rayon Statistika İdarəsindən təqaüdə göndərilmişdir.

    Daha ətraflı »

  • 17Mar
    Digər TƏBRİK EDİRİK! üçün şərhlər bağlıdır

    SƏTTAR PƏNAHLININ 65 YAŞI TAMAM OLDU

    1 Aran qəsəbəsində yaşayan, ixtisasca müəllim olan şair-publisist Səttar Cümşüd oğlu Pənahovun (Pənahlının) 65 yaşı tamam oldu. Ömrünün 45 ilini mətbuata bağlayaraq bizimlə əməkdaşlıq edən, qəlbi daim poetik duyğularla döyünən, bir çox şeir, qəzəl, poema, hekayə, oçerk və məqalələrin müəllifi, “Dan ulduzu” ədəbi birliyinin rəhbəri Səttar Pənahlını biz də təbrik edirik. Yurdumuzun füsunkar təbiətindən, havasından, suyundan, torpağından vəcdə gələrək vətənimizin, onun igidlərinin, ərənlərinin şəninə lirik, ritorik, lakonik ədəbi əsərlər yaratmaqdan doymayan, usanmayan şairə sonrakı ömür yolunda  daha böyük yaradıcılıq uğurları arzulayırıq!

    Daha ətraflı »

  • 09Mar
    Digər MEHRİBAN XANIM üçün şərhlər bağlıdır

    1Gözəlliyi gül bağında üzərsən,

    Sözlərini inci kimi düzərsən.

    Gəlişinlə el – obanı bəzərsən…

    Sabah adlı bir dünyada gümanım,

    Mehriban xanım.

                      İmza atdın siyasətdə zəfərə,

                      Uzaq deyil, yaxındadır qələbə.

                     Qüdrətində, cürətində Nüşabə,

                     Dövlətinə, millətinə yananım,

                      Mehriban xanım.

    Kimsəsizlər hər gündəlik savabın,

    Qoy üstündə gözü olsun Allahın.

    Bir işıqlı gələcəkdi sabahın,

    Qayğılarla sıralanan  karvanın,

    Mehriban xanım.

    Daha ətraflı »

  • 09Mar
    Yevlax ŞİH-də BAYRAMINIZ MÜBARƏK, ƏZİZ QADINLAR! üçün şərhlər bağlıdır

     Əziz qadınlar, analar və bacılar!

    Adınızla bağlı olan Beynəlxalq Qadınlar Günü bizi daha bir təntənəyə qovuşdurur. Ülvilik, zəriflik və gözəllik rəmzi olan qadın adı, ana adı ölkəmizdə həmişə uca tutulmuşdur. 8 Mart bəşəriyyətin ülvi bir varlıq olan qadına bəslədiyi məhəbbət və ehtiramı parlaq ifadə etdirən bayram kimi dünyada geniş qeyd olunur. İnsan cəmiyyətinin kamilliyi, mədəni inkişaf səviyyəsi, tərəqqisi qadına, anaya olan münasibətlə olduqca sıx bağlıdır. Qadınlar bəşəriyyətin taleyinə hər zaman həssaslıqla yanaşmış, taleyüklü problemlərin həllinə öz töhfələrini vermiş, bu gün də müasir dünyanın inkişaf istiqamətlərinin müəyyən edilməsində böyük xidmətlər göstərirlər.

    Ana, qadın bizim üçün həmişə müqəddəs olan varlıqdır. Onun yolunda hər cür cəfa çəkmək, onu xoşbəxt etmək borc bilinib, şərəf sayılıb. Azərbaycan qadını tarixin ağır sınaqlarından daim alnıaçıq, üzüağ, böyük zəfərlərlə çıxmışdır. Tarixi vərəqlədikcə bir-birindən fərqli, çoxlu sayda qəhrəmanlıq salnamələrinə şahidlik etmək olar. O salnamələrdə Azərbaycan qadını diplomatdır, haqq-ədalət uğrunda döyüşən ərənlərimizin yaxın silahdaşıdır, mədəniyyət, incəsənət, elm xadimidir, övladlarının yolunda sözün həqiqi mənasında ömrünü şam kimi əridən fədaidir…

    “Qadınlar cəmiyyətin aparıcı qüvvəsinə çevrilməlidir”, deyən ulu öndər öz fəaliyyətində hər zaman bu prinsipə sadiqliyini isbatlamışdır.

    Daha ətraflı »

  • 09Mar
    Digər BU FİKİRLƏR QADINLAR HAQQINDA DEYİLMİŞDİR üçün şərhlər bağlıdır

    Ana! Ana!… O adın qarşısında bir qul tək,

    Həmişə səcdədə olmaq mənə fəxarətdir.

    Cəfər CABBARLI

    Adama imandan sonra verilən şeylərin ən xeyirlisi salehə qadındır.

                                 Hz.ÖMƏR

    Daha ətraflı »

Səhifə 2 cəmi 38212345678910...Sonuncu »

Yeni ismarıclar

  • Salam eziz yerlilerim. Mende Yevlaxliyam, baxmayaraq ki, ve...
  • tebrik edirem. daha boyuk uqurlar arzulayiram...
  • Uğurlarınız axarıncı olsun!!!...
  • Təbriklər!...
  • Ş.Qurbanov adına 8 saylı orta məktəbin "İlin ən yaxşı məktəb...