Saytın ümumi statistikası:

Saytda məqalələrin sayı - 3,924
Saytda ismarıcların sayı - 8

Bölmələr

Arxiv

Sayğac

Ziyarətçilərimiz

free counters
  • 15мая
    Yevlax ŞİH-də KƏND TƏSƏRRÜFATI MƏHSULLARI İSTEHSALÇILARINA AVANS PAYLANMIŞDIR üçün şərhlər bağlıdır

    1 Mayın 3-də Azərbaycan Respublikasının Prezidenti İlham Əliyev cənablarının müvafiq Sərəncamı ilə  fəaliyyət göstərən “Ərzaq məhsullarının tədarükü və təchizatı” Açıq Səhmdar Cəmiyyəti rayonumuzda istehsalçılara avans verilməsinin növbəti mərhələsini həyata keçirmişdir. Kür çayı sahilində-“ELK-2004 kəndli təsərrüfatı” MMC-nin kartof əkini ərazisində keçirilmiş   avans məbləğlərinin təqdimat mərasimində Yevlax da daxil olmaqla respublikanın 12 şəhər və rayonundan gəlmiş iş adamları – istehsalçılar, sahibkarlar, fermerlər, bir sözlə, ərzaq bolluğu yaratmaq sahəsində çalışanların böyük bir qismi təmsil olunurdu. Yevlax Şəhər İcra Hakimiyyəti Başçısının  birinci müavini Qənimət Qaraşov tədbiri giriş sözü ilə açaraq iştirakçıları salamlamış və dövlət başçısının tapşırığı ilə həyata keçirilən prosesin iqtisadi əhəmiyyətini yüksək dəyərləndirmişdir. Q.Qaraşov çıxışını maddi nemətlər bolluğu yaradanların fəaliyyətinə uğurlar arzulamaqla yekunlaşdırmışdır. Daha ətraflı »

  • 15мая
    Kəndlərimiz BARAMAÇILAR FƏALİYYƏTDƏ üçün şərhlər bağlıdır

     Möhtərəm Prezidentimiz İlham Əliyevin qeyri-neft sektorunun inkişafına, xüsusilə ölkəyə valyuta gətirəcək kənd təssərrüfatı məhsullarının istehsalı ilə məşğul olanlara göstərdiyi əvəzsiz qayğı və diqqət, həmin məhsulların yetişdirilməsi məqsədi ilə dövlət səviyyəsində subsidiyaların verilməsi, bir sıra güzəşt və imtiyazların tətbiqi, ən nəhayət hazır məhsulların dövlət satınalma qiymətlərinin istehsalçıların xeyrinə ildən- ilə artırılması aqrar sahədə çalışanların fəaliyyətinə yeni stimul vermişdir. Hazırda ölkədə  barama yetişdirilməsi mövsümü başlanmışdır.

    Gəlirli və ixracyönümlü məhsul kimi özünü təsdiq etmiş barama istehsalı ilə məşğul olmaq istəyən həmyerlilərimizin sayı bu il xeyli çoxalıb. Bu məqsədlə rayonumuza 200 qutu barama toxumu gətirilərək kümçülərə paylanmışdır. Bütövlükdə bu il 126 ailə barama bəsləməklə məşğul olacaqdır ki, bu da 625 nəfər insanın mövsümi işlə təmin edilməsi deməkdir. Daha ətraflı »

  • 15мая
    Digər BÖYÜK AZƏRBAYCAN ŞAİRİ – QAZİ BÜRHANƏDDİN üçün şərhlər bağlıdır

     Qazi Bürhanəddinin yaradıcılığı Azərbaycan ədəbiyyatının mühüm mərhələlərindən birini əhatə edir. Belə ki, Qazi Bürhanəddinin Azərbaycan türkcəsi ilə yazdığı divanı ilə bizə çatan ilk şairdir. Bundan başqa Qazi Bürhanəddin Azərbaycan ədəbiyyatında, eləcə də ümumtürk ədəbiyyatında poeziyanın qəzəl janrında yazan ilk şairdir.Onu  ədəbiyyat biliciləri, xalqımız ana dilində – Azərbaycan türkcəsində yazmış böyük Azərbaycan şairi kimi qiymətləndirirlər. Onun poeziyası özündən sonra gələn və hər biri Azərbaycan ədəbiyyatının parlaq ulduzları olan Məhəmməd Füzuli, İmadəddin Nəsimi, Kişvəri, Həbibi, Şah İsmayıl Xətai, Molla Pənah Vaqif və onların səviyyəsində bir çox tanınmış şairlərin yaradıcılığına ciddi təsir göstərmişdir. Buna görə də  onun lirikası bir çox türkdilli ölkələrdə populyardır və adı  orta əsr təzkirəçi və tarixçiləri tərəfindən tez-tez xatırlanmışdır. Daha ətraflı »

  • 15мая
    Digər AVTOMOBİL TƏSƏRRÜFATI RƏHBƏRLƏRİNİN VƏ SÜRÜCÜLƏRİN NƏZƏRİNƏ! üçün şərhlər bağlıdır

     Sərnişin və yükdaşıma fəaliyyəti  ilə məşğul olan avtomobil təsərrüfatlarının rəhbərlərinin və avtomobil idarə edən fiziki və hüquqi şəxslərin,  həmçinin fərdi avtomobil   sahiblərinin nəzərinə çatdırırıq ki, öhdələrində olan nəqliyyat vasitələrini vaxtında texniki baxışdan keçirsinlər. Xüsusilə xəttə çıxmazdan öncə avtomobilin texniki vəziyyəti  yoxlanılmalı, əyləc sistemi, sükan, idarəetmə mexanizmləri, xarici  işıq və cihazları, qabaq şüşə təmizləyən   qurğuları yoxlanılaraq saz vəziyyətə gətirilməlidir. Unutmasınlar ki, istismara yararsız və əlavə avadanlıqlar qoşulmuş avtomobillər yalnız  həmin nöqsan və nasazlıqlar aradan  qaldırıldıqdan, həmçinin sürücülər tibbi müayindən keçdikdən sonra  nəqliyyat xidməti göstərə bilərlər. Daha ətraflı »

  • 15мая
    İdman İDMAN: SƏRBƏST GÜLƏŞ üçün şərhlər bağlıdır

    MÜŞFİQ İKİNCİ YERƏ ÇIXDI

    2 Bu günlərdə dağlar qoynunda yerləşən Balakən  şəhəri yeniyetmələr arasında XI respublika oyunlarının proqramına daxil olan sərbəst güləş yarışlarına  ev sahibliyi etmişdir. Həmyerlimiz Müşfiq Ocayev də həmin yarışlara qatılmış, böyük qələbə arzusu ilə döşək üzərinə çıxmışdır. Rəqiblərini texniki fəndləri ilə ram edən Müşfiq finalda mövqeyi əldən vermiş, 59 kiloqram çəki dərəcəsində fəxri kürsünün ikinci mükafatlı yeri ilə barışmalı olmuşdur. Məşqçi müəllim, SSRİ idman ustası, respublikanın əməkdar məşqçisi Tofiq Tağıyev isə 15 yaşlı gənc pəhləvanı ruhdan  düşməməyə çağırır. Ümidvar olduğunu bildirir ki, 6 yaşından məşqlərə qatılmış 4 nömrəli tam orta məktəbin IXc sinif şagirdi Müşfiq perspektivli idmançıdır. O, gec-tez arzusunda olduğu möhtəşəm qələbəyə imza atacaqdır. Daha ətraflı »

  • 15мая
    Digər MARAQLIDIR üçün şərhlər bağlıdır

    DONDURULMUŞ LİMON

     Dünyanın bir çox böyük dərman firmalarının 1970-ci ildən bu günə kimi aparılan laboratoriya sınaqlarının nəticəsinə görə, limon qabığının tərkibində olan maddələr 12 növ xərçəng xəstəliyinin yaranmasının qarşısını alır. Həkimlər gündəlik həyatda da limondan mütəmadi istifadə etməyi tövsiyə edirlər.

    Limon qabığında 3-6 faizə qədər efir yağı var. Bu yağları limon qabıqlarını xüsusi aparatda sıxaraq əldə edirlər. Alınan limon yağı maye halda da xoş ətirli iyə malik olur. Limon qabığının tərkibinin 90 faizini terpen-limonen adlı ətirli maddə, 3-6 faizini isə son dərəcə xoş ətirli iyi olan sitral aldehidi təşkil edir. Bu maddələr limon yağının ən qiymətli hissəsidir. Son illərdə limon yağından alınan 2-3 faizli spirtli məhluldan hipertoniya xəstəliyinin müalicəsində damcı şəklində istifadə edilir. Limonun tərkibində olan 8-9 faiz limon turşusunu bir sıra ölkələr (İtalya, İspaniya və s.) sənaye miqyasında tibb üçün yararlı hesab edir. Limon turşusundan “natrium-sitrat” adlı preparat hazırlanır ki, bu da qanköçürmə institutlarının təcrübəsində donor qanını konservləşdirmək məqsədilə işlədilir. Daha ətraflı »

  • 03мая
    Yevlax ŞİH-də YAP YEVLAX RAYON TƏŞKİLATININ IX KONFRANSI üçün şərhlər bağlıdır

    1 Bu günlərdə YAP Yevlax rayon təşkilatının IX konfransı keçirildi.

    Konfrans iştirakçıları öncə ulu öndər Heydər Əliyevin abidəsi önünə əklil qoydular. Sonra ulu öndərin adını daşıyan sarayın foyesində qonaqlar YAP Yevlax rayon təşkilatının fəaliyyətini əks etdirən sərgi ilə tanış oldular.

    Salona toplaşanlar YAP Yevlax rayon təşkilatı üzvlərinin gördüyü işlərdən ibarət filmə tamaşa etdilər.


    2IX konfransın işində ŞİH Başçısı Qoca Səmədov, YAP Siyasi Şurasının üzvü Firdovsi Əliyev, millət vəkili Pərvin Kərimzadə, YAP Mərkəzi Aparatının kuratoru Araz Xudadanov iştirak edirdilər. Dövlət himnimizin səsləndirilməsindən və müstəqil Azərbaycan dövlətinin qurucusu, Yeni Azərbaycan Partiyasının yaradıcısı, ulu öndər Heydər Əliyevin xatirəsi bir dəqiqəlik sükutla yad edildikdən sonra tədbiri giriş sözü ilə açan YAP Yevlax rayon təşkilatının sədri, Milli Məclisin deputatı İlham Məmmədov gündəliyə uyğun olaraq hesabat məruzəsi ilə çıxış etdi.


    Konfransın YAP-ın yaradılmasının 25 illiyi ərəfəsinə təsadüf etdiyini ayrıca qeyd edən İ.Məmmədov müstəqil Azərbaycanın inkişafında müstəsna xidmətləri olan YAP-ın keçdiyi inkişaf yolundan bəhs etdi. Bildirdi ki, YAP monolit birliyi, böyük sosial bazası olan bir partiyadır. Azərbaycan xalqı YAP-ı yarandığı gündən Heydər Əliyev partiyası kimi tanımışdır. Ayrıca vurğuladı: – İdeoloji sahədə aparılan tədbirlər, xüsusilə Heydər Əliyev irsinin gənc nəslə aşılanması ilə partiyanın boy sırasında onların sayının çoxalmasına, habelə yeni ərazi və məhəlli partiya təşkilatlarının yaranmasına rəvac vermişdir. Təşkilatımızın VIII konfransından keçən dövr ərzində partiya üzvlərimizin sayı 7140 nəfərdən 8600 nəfərə çatmış, 4 yeni məhəlli və ərazi ilk partiya təşkilatı yaradılmışdır. Partiya təşkilatının uçotunda dayanan 8600 nəfər partiya üzvündən 4410 nəfərini qadınlar, 2015 nəfərini gənclər təşkil edir. Bildirdi ki, təşkilat YAP-ın Proqram və Nizamnaməsinə uyğun olaraq qarşıya qoyulan vəzifələrin icrasını layiqincə yerinə yetirir. İ.Məmmədov təşkilatın ŞİH ilə birgə həyata keçirdiyi tədbirlərdən də bəhs etdi. Açıqladı ki, əlamətdar günlərdə tədbirlərimiz davamlılığı ilə diqqət çəkir.
    Daha ətraflı »

  • 03мая
    Səhiyyə MİLLİ MƏCLİSİN DEPUTATLARI ŞƏHƏRİMİZDƏ üçün şərhlər bağlıdır

    ONLAR  İCBARİ TİBBİ SIĞORTANIN TƏTBİQİ İLƏ TANIŞ OLDULAR

    3 Bildiyimiz kimi, İcbari Tibbi Sığortanın tətbiqi ilə  əlaqədar pilot layihə kimi  iki ərazi-Yevlax və Mingəçevir şəhərləri seçilib. Və artıq aylardır ki, rayon səhiyyəsi bu sistemlə işləməyə başlayıb. Bu gün tibb müəssisələrinə müraciət edənlərin sayı əvvəlki illərlə müqayisəyə gəlməyəcək qədər çoxdur. Həkim-xəstə münasibətlərinin nizama salınması, müayinə və müalicənin keyfiyyətlə aparılması üçün yeni tibb avadanlıqlarından istifadə, tibbi xidmətin səviyyəsini daha da artırmaq üçün həyata keçirilən digər işlər insanlarda rayon səhiyyəsinə hər zaman arzusunda olduğumuz marağı yarada bilib. Hər iş  günü xəstəxananın həyatı üçün gözlənildiyindən artıq qələbəliklə müşayiət 6.olunur. Bir sözlə, icbari tibbi sığortanın tətbiqindəki gözlənilən nəticənin-vətəndaşların  tibbi xidmətə əlçatanlığının özünü doğruldacağına  şübhə yoxdur. İndi hər hansı bir xəstəliyin müayinə və müalicəsi üçün  uzaqlara getməyə ehtiyac qalmayacaq.  Layihənin respublikanın bütün tibb müəssisələrində tətbiqinə başlanılması gözlənilir. Bəs, layihə çərçivəsində pilot ərazilərdə hansı işlər görülüb, yeniliklər nədən ibarətdir, nələr planlaşdırılır, əhalinin icbari tibbi sığortanın tətbiqinə münasibəti necədir?

    7.Aprelin 24-də Milli Məclisin Səhiyyə komitəsinin sədri Əhliman Əmiraslanov, komitənin üzvləri Musa Urud,  Məlahət İbrahimqızı, Kamilə Əliyeva, Kəmaləddin Qafarov, Rəşad Mahmudov, İlham Məmmədov, Qənirə Paşayeva, Sədaqət Vəliyeva, İqtisadi siyasət, sənaye və sahibkarlıq komitəsinin üzvləri Tahir Mirkişili və Mahir Abbaszadə icbari tibbi sığortanın tətbiqi ilə tanış olmaq məqsədilə pilot ərazilərdən birində-Yevlax Rayon Mərkəzi Xəstəxanasında oldular.

    Bildiyimiz kimi, Azərbaycanda icbari tibbi sığortanın tətbiqinə pilot layihə kimi Mingəçevir şəhəri və Yevlax rayonu seçilib. Pilot layihə çərçivəsində hər iki ərazidə  icbari tibbi sığortanın tətbiqi uğurla davam edir. Yevlax Rayon Mərkəzi Xəstəxanasında tibbi xidmətlərin keyfiyyətini yüksəltmək məqsədilə bir sıra yeniliklər həyata keçirilib. Burada fəaliyyətə başlayan Ailə Sağlamlıq Mərkəzi vətəndaşların tibbi xidmətə əlçatanlığını artırmaq məqsədilə yaradılıb. Bu mərkəzdə xəstələr ilkin olaraq ailə həkimləri tərəfindən müayinə və müalicə edilir, zərurət yaranarsa, xəstəxanaya və ixtisaslaşmış həkimlərin müayinə və müalicəsi üçün istiqamətləndirilir. Daha ətraflı »

  • 03мая
    Digər HƏRBİ XİDMƏTDƏN TƏRXİS OLUNAN GƏNCLƏRLƏ GÖRÜŞ  KEÇİRİLDİ üçün şərhlər bağlıdır

    6 Heydər Əliyev Mərkəzində düzənlənən görüş ilk öncə ulu öndərin həyat və fəaliyyətini əks etdirən eksponatlarla tanışlıqla başladı. Sonra tədbirin rəsmi hissəsi öz işinə başladı.

    Tədbiri giriş sözü ilə açan ŞİH Başçısının birinci müavini Qənimət Qaraşov toplantıya qatılan gəncləri salamladı, onları hərbi xidmətlərini başa vurmaları, sağ-salamat el-obalarına qayıtmaları münasibəti ilə təbrik etdi.

    Daha sonra gənclər qarşısında tribuna alan Səfərbərlik və Hərbi Xidmətə Çağırış üzrə Dövlət Xidmətinin Yevlax şəhər şöbəsinin rəisi, polkovnik Elxan Heydərov vurğuladı ki,  artıq hər bir ölkə vətəndaşı hiss edir ki, onun arxasında güclü Azərbaycan dövləti və Prezidenti, güclü Azərbaycan ordusu var. Şanlı tarixə çevrilmiş 2016-cı ilin aprel döyüşləri bunu bir daha təsdiq etdi. Ötən ilin bu ayında Azərbaycan ordusu düşmənin növbəti təxribatına layiqli cavab verdi, bir sıra mühüm strateji əhəmiyyətli mövqelər, ilk növbədə Cəbrayıl rayonunun Cocuq Mərcanlı kəndinin yaxınlığında yerləşən Lələtəpə yüksəkliyi tamamilə Azərbaycanın nəzarətinə keçdi. Daha ətraflı »

  • 03мая
    Digər “QEYRİ-NEFT MƏHSULLARININ İSTEHSALININ VƏ İXRAC POTENSİALININ ARTIRILMASI”NA HƏSR OLUNMUŞ TƏDBİR üçün şərhlər bağlıdır

    2 Aprelin 26-da Yevlax Gömrük İdarəsində Dövlət Gömrük Komitəsinin sədri gömrük xidməti general-polkovniki Aydın Əliyevin müvafiq sərəncamına uyğun  yaradılmış İctimai Şura “Qeyri- neft məhsullarının istehsalının və ixrac potensialının artırılması” mövzusuna həsr olunmuş görüş keçirmişdir. Görüşdə Yevlax Gömrük İdarəsi ərazisində fəaliyyət göstərən sahibkarlar, Dövlət Fitonəzarəti və  Dövlət Baytarlıq Nəzarəti Xidmətlərinin Yevlax şəhəri üzrə nümayəndələri iştirak etmişlər. Görüşdə gömrük orqanları tərəfindən xarici ticarətin asanlaşdırılması və daxili bazarın qorunması istiqamətində görülən işlər, gömrük ödənişləri zamanı sahibkarlara tətbiq olunan güzəştlər, göstərilən elektron gömrük xidmətləri barədə geniş söhbət getmişdir. Yevlax Gömrük İdarəsinin rəisi gömrük xidməti polkovnik-leytenantı Arif  Mehdiyev tədbiri giriş sözü ilə açaraq onun mahiyyətini, müzakirə olunacaq məsələlərin aktuallığını qeyd etmişdir. Natiq Azərbaycan iqtisadiyyatının  inkişafında və qeyri-neft sektorunun  şaxələndirilməsində özəl sektorun xüsusi rol oynadığını diqqətə çatdırmaqla möhtərəm Prezidentimiz İlham Əliyev cənabları tərəfindən ölkədə sahibkarlığın inkişafı, onların səmərəli fəaliyyəti   üçün  yaradılmış münbit və hərtərəfli  şəraiti də yüksək dəyərləndirmişdir. İdarənin Yük şöbəsinin rəisi Nurlan Nuriyev dövlət başçısının “Ölkəmizin inkişafı sahibkarlığın inkişafından asılıdır” fikrinə və strateji xəttinə istinad edərək Azərbaycanda innovativ sahibkarlığın stimullaşdırılması və inkişafı prosesinin dinamik davam  etdirilməsi üçün özəl bölməyə göstərilən qayğıdan danışmışdır. O, gömrük ststemində Qanunvericiliyin təkmilləşdirilməsinin, “bir pəncərə” prinsipinin tətbiqinin, xidmətlərin elektron qaydada həyata  keçirilməsinin dövlət gömrük – keçid məntəqələrində gediş-gəliş və rəsmiləşdirilmə əməliyyatlarını əsaslı surətdə asanlaşdırdığını diqqətə çatdırmışdır. Dövlət Fitonəzarəti xidmətinin Yevlax rayonlararası Bitkilərin Karantini  Məntəqəsinin rəisi Habil Qəhrəmanov, Rayon Baytarlıq İdarəsinin rəisi Vaqif Kərimov rəhbərlik etdikləri və bilavasitə məsuliyyət daşıdıqları sahənin  fəaliyyətindən danışmış, dövlətin iqtisadi təhlükəsizliyinin və iqtisadi  maraqlarının qorunması, xarici dövlətlərdən ölkə  ərazisinə keçə biləcək bitki, insan  və heyvan  mənşəli xəstəliklərin qarşısının alınması, bir sözlə, respublikamızın epizootik vəziyyətinin sağlamlaşdırılması istiqamətində  həyata  keçirdikləri və qarşıda duran vəzifələrindən  danışmışlar. Daha ətraflı »

Səhifə 4 cəmi 39212345678910...Sonuncu »

Yeni ismarıclar

  • Salam eziz yerlilerim. Mende Yevlaxliyam, baxmayaraq ki, ve...
  • tebrik edirem. daha boyuk uqurlar arzulayiram...
  • Uğurlarınız axarıncı olsun!!!...
  • Təbriklər!...
  • Ş.Qurbanov adına 8 saylı orta məktəbin "İlin ən yaxşı məktəb...