Saytın ümumi statistikası:

Saytda məqalələrin sayı - 3,824
Saytda ismarıcların sayı - 8

Bölmələr

Arxiv

Sayğac

Ziyarətçilərimiz

free counters
  • 24Fev
    Digər BAKI BEYNƏLXALQ MULTİKULTURALİZM MƏRKƏZİNDƏ “TERROR MULTİKULTURALİZMƏ QARŞI:  XOCALI SOYQIRIMI-25“ MÖVZUSUNDA TƏDBİR KEÇİRİLİB üçün şərhlər bağlıdır

     Bakı Beynəlxalq Multikulturalizm Mərkəzində “Terror multikulturalizmə qarşı:  Xocalı soyqırımı-25“ mövzusunda anım tədbiri keçirilib. Öncə Xocalı şəhidlərinin xatirəsi bir dəqiqəlik sükutla yad edilib.

    Azərbaycan Respublikası millətlərarası, multikulturalizm və dini məsələlər üzrə Dövlət Müşaviri, BBMM-in Himayəçilər Şurasının sədri,  akademik Kamal Abdullayev insanlıq əleyhinə törədilmiş Xocalı soyqırımının dəhşətlərindən söz açıb: “Bu faciədə qətlə yetirilən insanların öldürülmələrinin səbəbi onların müsəlman və azərbaycanlı olmaları idi. Bu, həmin faciənin məhz qətliam kimi dəyərləndirilməsinə bir sübutdur. Bu gün təkcə Xocalı sakinləri deyil, bütün Azərbaycan xalqı xocalılıdır. Bu gün Azərbaycanın vətəndaşları, Azərbaycanın dünyadakı dostları mənən, qəlbən Xocalıdan sayıla bilərlər. Dünyada müxtəlif qurumlarda, parlamentlərdə Xocalı faciəsi ilə bağlı son dərəcə ciddi sənədlərin qəbul edilməsi istiqamətində həm  Azərbaycan Prezidenti İlham Əliyev, həm də ölkənin Birinci vitse- prezidenti Mehriban xanım  Əliyevanın böyük xidmətləri var. Bu gün dünya Xocalı faciəsini tanımağa başlayıb, Azərbaycanın dostları da bu gün xalqımızın dərdinə şərik olur. Əlbəttə ki, 26 fevral simvolik bir tarixdir, faktiki olaraq hər gün Xocalı faciəsi azərbaycanlıların qəlbində bir yara kimi qalır. Bəzən gənclər mənə sual verirlər ki, faciələrimizin qisasını almaq üçün, gələcəkdə bir daha təkrarlanmaması üçün nə edə bilərik? Mənim cavabım belədir: Ölkə Prezidentinin ətrafında daha sıx birləşək, onun Dağlıq Qarabağ probleminin həllinə yönəlmiş titanik zəhmətini doğru-düzgün qiymətləndirək və Azərbaycan dövlətinin bu istiqamətdə apardığı siyasətə dəstək olaq.

    Daha ətraflı »

  • 20Fev
    Yevlax ŞİH-də DİNAMİK  İNKİŞAF DAHA GENİŞ VÜSƏT ALACAQ üçün şərhlər bağlıdır

    1 Fevralın 7-də Şəhər İcra Hakimiyyəti Başçısının hesabat yığıncağı keçirilmişdir.

    Əvvəlcə şəhər rəsmiləri ulu öndərin mərkəzi meydandakı  abidəsini ziyarət etmiş, önünə  gül-çiçək dəstələri düzmüşlər.

    Ulu öndər Heydər Əliyevin adını daşıyan Sarayın ev sahibliyi etdiyi tədbiri Şəhər İcra Hakimiyyətinin Başçısı Qoca Səmədov  açaraq “2016-cı ilin sosial-iqtisadi inkşafının yekunları və qarşıda duran vəzifələr haqqında” hesabat məruzəsi ilə çıxış etmişdir. Ümummilli liderimiz Heydər Əliyevin müəyyənləşdirdiyi inkişaf strategiyasının möhtərəm Prezidentimiz tərəfindən daha da zənginləşdirilərək yeni dövrün tələblərinə  uyğun ardıcıl davam etdirildiyini, habelə genişmiqyaslı islahatların tətbiqi sayəsində son on üç il ərzində ölkəmizin iqtisadi göstəricilərinin sürətlə artdığını  vurğulayan ŞİH Başçısı yola saldığımız ilin də rayonumuzun iqtisadi və sosial həyatında əlamətdar olduğunu bildirmiş, əldə olunan uğurların əsas göstəricilərini diqqətə çatdırmışdır. Qeyd etmişdir ki, regionların 2014- 2018-ci illərdə sosial iqtisadi inkişafı Dövlət Proqramının icrasının üçüncü ilində də rayonumuzun  iqtisadiyyatının əsasını təşkil edən sahələrin dinamik inkişafı davam etdirilmiş,  bir sıra parametrlərdə  qazandığımız uğurlar ürəkaçan olmuş, səhiyyə, təhsil, mədəniyyət təşkilatlarının fəaliyyətlərinin yüksəldilməsi və təkmilləşdirilməsi istiqamətindəki infrastrukur dəyişikliklərində köklü islahatlar baş vermiş, rabitə, nəqliyyat, poçt, bədən tərbiyəsi, idman, gənclərlə iş günün tələblərinə cavab vermişdir. Tikinti-abadlıq, yenidənqurma, yeni sosial obyektlərin inşası və yaradılması işləri də ilboyu davam etdirilmiş, yeni  iş yerlərinin açılmasına önəm verilmiş, əhalinin pul gəlirləri xeyli artmış, dolanışıq səviyyəsi yüksəlmiş, davamlı içməli su, elektrik enerjisi, mavi  yanacaq və digər rabitə, kommunal xidmətləri ilə təminatı yoluna qoyulmuşdur. İnsanların sosial və məişət rahatlığına hesablanmış yuxarıda qeyd etdiyim genişmiqyaslı işlər rayonumuzun kənd və qəsəbələrindən də yan keçməmişdir.  

    23Qeyri-neft sektorunun, xüsusilə aqrar sahənin inkişafından bəhs edən ŞİH Başçısı rayon pambıqçılarının fəaliyyəti üzərində daha geniş dayandı. 1415 hektarda pambıq əkib-becərərək tədarük məntəqələrinə 3677 ton “ağ qızıl” təhvil verən fermer və pay torpaq sahiblərinin əməyini yüksək dəyərləndirdi və  rayonun Aran qəsəbəsi ərazisində aqrar sahənin genişləndirilməsində həlledici rol oynayacaq yeni Aqroparkın salınacağını, nəticədə yüzlərlə insanın işlə təmin olunacağını və ölkədə kənd təsərrüfatı bolluğu yaratmağa əsaslı stimul verəcəyini demişdir.

     Hesabat yığıncağında müzakirə olunan məsələlərlə bağlı Tərtər regional Qaz İstismar İdarəsinin Yevlax xidmət sahəsinin rəis müavini Azay Muxtarov, Su-Kanal İdarəsinin rəisi Sabir Həsənov, Paylayıcı Elektrik Şəbəkəsinin rəisi Elşad Abbasov, Yevlax Rayon Mərkəzi Xəstəxanasının publik hüquqi şəxsi Azər İsmayılov, “MKT-YEVLAX” filialının direktoru Şaban Həsənov və başqaları rəhbərlik etdikləri kollektivlərin hesabat ilində əldə etdikləri nailiyyətlər və qarşıda duran mühüm və həlli vacib məsələlərdən danışmış, auditoriyanı maraqlandıran sualları ətraflı cavablandırmışlar.
    Azərbaycan Respublikası Prezident Administrasiyasının məsul işçisi Vəfadar Bağırov yığıncaqdakı çıxışında ölkədə həyata keçirilən genişmiqyaslı tikinti-quruculuq işlərindən, infrastruktur layihələrindən, sosial-iqtisadi sahədə əldə olunan nailiyyətlərdən söz açdı. Qeyd etdi ki, aparılan düzgün daxili və xarici siyasət öz bəhrələrini verməkdədir. Dünya iqtisadi böhrandan əziyyət çəkdiyi bir vaxtda Azərbaycan inkişaf edir, dövlətimizin başçısının söylədiyi kimi, biz iqtisadi cəhətdən təmin olunmuş ölkəyik.

    Daha ətraflı »

  • 20Fev
    Yevlax ŞİH-də XOCALI SOYQIRIMININ 25-Cİ İLDÖNÜMÜ İLƏ BAĞLI ŞİH BAŞÇISININ SƏRƏNCAMI üçün şərhlər bağlıdır

    4 Azərbaycan  Respublikası Prezidentinin “Xocalı soyqırımının iyirmi  beşinci ildönümü haqqında” 24 yanvar 2017-ci il tarixli sərəncamına uyğun olaraq Şəhər İcra  Hakimiyyətinin Başçısı “Rayon ərazisində Xocalı soyqırımının 25-ci ildönümü tədbirlərinin hazırlanıb  keçirilməsi ilə  əlaqədar” sərəncam  imzalayıb.

    Sərəncamla təsdiq olunmuş və 10 bənddən ibarət tədbirlər planında  rayonun ümumtəhsil məktəblərində, klub, kitabxana, müəssisə, idarə və təşkilatlarında, qəsəbə və kənd İƏD üzrə nümayəndəliklərində Xocalı soyqırımına həsr olunmuş xatirə gecələrinin, dəyirmi masaların,  xocalılılarla görüşlərin keçirilməsi öz əksini tapıb.

    Tədbirlər planında ümumtəhsil məktəblərində və peşə məktəblərində ilk dərsin Xocalı soyqırımına həsr olunmasına, şagirdlər arasında soyqırımı faciəsi mövzusunda inşa yazı və rəsm müsabiqələrinin təşkilinə də önəm verilib. Bundan başqa faciənin ildönümünədək Şəhidlər xiyabanında təmizlk və abadlıq işləri görülməsi nəzərdə tutulub.

    Daha ətraflı »

  • 20Fev
    Digər İLDÖNÜMÜNƏ HƏSR OLUNMUŞ TƏNTƏNƏLİ YIĞINCAQ üçün şərhlər bağlıdır

    1 Fevralın 13-də Səfərbərlk və Hərbi Xidmətə Çağırış üzrə Dövlət Xidmətinin  yaradılmasının 5-ci ildönümü münasibəti ilə təntənəli yığıncaq  keçirilmişdir. Şəhər rəsmləri və Səfərbərlik və Hərbi Xidmətə Çağırış üzrə Dövlət Xidmətinin Yevlax rayon şöbəsinin şəxsi heyəti ilk öncə  ulu öndərin abidəsi önünə gül dəstələri düzərək rəhbərin əziz xatirəsini ehtiramla yad etmişlər.

    YAP Yevlax rayon təşkilatının konfrans zalında keçirilmiş şəhər rəsmilərinin, ictimaiyyət nümayəndələrinin, Qarabağ müharibəsi əlillərinin, 5 nömrəli tam orta məktəbin “Şahin” hərbi idman oyunu komandası üzvlərinin iştirak etdikləri  yığıncağı Səfərbərlik və hərbi xidmətə Çağırış üzrə Dövlət Xidmətinin Yevlax rayon şöbəsinin rəisi polkovnik Elxan Heydərov açmış, Dövlət himni səsləndirildikdən və vətənimizin ərazi bütövlüyü uğrunda döyüşlərdə həlak olan şəhidlərimizin əziz xatirəsi bir dəqiqəlik sükutla yad edildikdən sonra qurumun fəaliyyəti ilə bağlı geniş məruzə ilə çıxış etmişdir. Vurğulamışdır ki, əsası ümummilli liderimiz Heydər Əliyev tərəfindən qoyulmuş Ordu quruculuğuna xüsusi diqqət və qayğı Ali Baş Komandan, möhtərəm Prezidentimiz İlham Əliyev cənabları tərəfindən uğurla davam etdirilir. Məhz bu diqqət və qayğının nətcəsidir ki, Azərbaycan Ordusu öz yüksək döyüş və hərbi hazırlıq səviyyəsinə görə Cənubi Qafqazda liderdir. Daha sonra bildirmişdir ki, Ordu quruculuğu sahəsində aparılan islahatlar, Səfərbərlik və Hərbi Xidmətə Çağırış üzrə Dövlət Xidmətinin yaradılması,bu sahənin maddi-texniki bazasının daha da möhkəmləndirilməsi Azərbaycan Ordusunun daha da qüdrətlənməsinə, yeniliyə doğru forma və məzmunca dəyişməsinə xidmət edir.

    Elə ötən ilin aprel döyüşlərndə düşmən milli ordumuzun əlinin dadını gördü. Şöbə rəisi daha sonra hərbi xidmətə çağırış sahəsində kompüter və elektron sistemlərinin tətbiq olunmasını da həyata keçirilən yeniliklər sırasına daxil etmişdir. Natiq öz çıxışını bundan sonra da dövlətmizin başçısı, Ali Baş Komandan İlham Əliyev cənablarının etimadını üzərlərinə düşən vəzifəni vətənə və dövlətə sədaqətlə xidmət etməklə doğuldacaqlarını bildirməklə yekunlaşdırmışdır.

    Daha ətraflı »

  • 20Fev
    Yevlax ŞİH-də REGİONAL MÜŞAVİRƏ üçün şərhlər bağlıdır

     2Fevralın 10-da Şəhər Mədəniyyət Mərkəzinin geniş akt zalında “Ərzaq məhsullarının tədarükü və təchizatı” Açıq Səhmdar Cəmiyyəti  “Tədarük və təchizat məsələlərinin müzakirəsi”nə həsr olunmuş regional  müşavirə keçirmişdir. Qeyd edək ki, Azərbaycan Respublikası Prezidenti İlham Əliyev cənablarının 11 aprel 2016-cı il  tarixli Sərəncamı  ilə   yaradılmış “Ərzaq  məhsullarının tədarükü və təchizatı” Açıq Səhmdar Cəmiyyətinin fəaliyyətinin əsas  istiqaməti ölkənin aqrar sektorunun  inkişafına nail olmaq, kənd təsərrüfatı   məhsullarının və ərzaq bolluğunun  təmin  olunmasına stimul vermək, satınalan təşkilatları-xəstəxanaları, körpələr evi-uşaq bağçalarını, təhsil müəssisələrini, digər dövlət obyektlərini vaxtında və keyfiyyətli  qida məhsulları  ilə təchiz  etməkdən  ibarətdir. Aran regionlar bölməsi  üzrə şəhərimizdə keçirilən müşavirəyə Mingəçevir,  Ucar, Ağdaş şəhər və rayonlarının İcra Hakimiyyətlərinin,  dövlət satınalan təşkilatların, həmçinin uşaq bağçalarının və xəstəxanaların nümayəndələri də dəvət olunmuşdur. Tədbiri Yevlax Şəhər İcra Hakimiyyəti Başçısının birinci müavini   Qənimət Qaraşov açaraq iştirakçılara Şəhər İcra Hakimiyyətinin Başçısı Qoca Səmədovun təbrikini  çatdırmışdır. 

    Daha ətraflı »

  • 20Fev
    Digər AKADEMİK HƏSƏN ƏLİYEV-110 üçün şərhlər bağlıdır

    AZƏRBAYCAN  TƏBİƏTİNİN VURĞUNU VƏ XİLASKARI

     Azərbaycan Prezidenti İlham Əliyev akademik Həsən Əliyevin 110 illik yubileyinin keçirilməsi haqqında sərəncam imzalayıb.

    Bəs kimdir Həsən Əliyev?

    Həsən Əlirza oğlu Əliyev-görkəmli torpaqşünas alim, ictimai siyasi xadim, kənd təsərrüfatı elmləri doktoru, professor, 1952-ci ildən Azərbaycan SSR Elmlər Akademiyasının akademiki, 1974-cü ildə Azərbaycan Respublikasının əməkdar elm xadimi, Azərbaycan Dövlət Mükafatı laureatıdır. (1978).

    Həsən Əliyev 15 dekabr 1907-ci ildə Zəngəzur qəzasının Comərdli kəndində anadan olmuşdur.

    Azərbaycan SSR Elmlər Akademiyası Torpaqşünaslıq və Aqrokimya İnstitutunun elmi işlər üzrə direktor müavini (1944- 1949), eyni zamanda Azərbaycan Dövlət Pedaqoji İnstitutunda baş müəllim(1945-1949), Azərbaycan SSR Elmlər Akademiyası Botanika İnstitutunun direktoru (1949-1952), Azərbaycan SSR kənd təsərrüfatı nazirinin birinci müavini və Azərbaycan Kommunist Partiyası Mərkəzi Komitəsinin katibi (1952), Azərbaycan SSR Elmlər Akademiyasının akademik-katibi (1952-1957), Azərbaycan SSR Elmlər Akademiyası Torpaqşünaslıq və Aqrokimya İnstitutunda laboratoriya müdiri (1957-1967), Azərbaycan SSR Elmlər Akademiyası Coğrafiya İnstitutunun direktoru (1968-1993) vəzifələrində işləmişdir.

    Daha ətraflı »

  • 20Fev
    Təhsil HƏRBİ VƏTƏNPƏRVƏRLİK TƏRBİYƏSİ MÖVZUSUNDA üçün şərhlər bağlıdır

    NƏVƏ HÜNƏRİNƏ ÖYÜNƏN BABA

     Ötən il müstəqil respublikamızın hərb tarixinə daha bir şanlı səhifə yazmış aprel döyüşləri artıq dillərdə dastana çevrilib. Cəmi bir neçə günlük döyüşlər zamanı Ali Baş Komandanı möhtərəm Prezidentimiz İlham Əliyev cənabları olan Silahlı Qüvvələrimiz-Milli Ordumuz tərəfindən ağır zərbə alan düşmən ordusu Azərbaycan əsgərinin yüksək döyüş bacarığının şahidi oldu. Həmyerlimiz Sərvan Paşayev də Lələtəpə yüksəkliyinin geri qaytarılma- sında iştirak edib. 1997-ci il təvəllüdlu Sərvan yanvar ayında  hərbi xidmətdən tərxis olunub. Vətən qarşısında hərbi xidməti borcunu şərəflə və vicdanla yerinə yetirməyə təntənəli and içmiş gənc sərrast bir atıcı kimi döyüş tapşırığını yerinə yetirməkdə fərqləndiyi üçün Füzuli rayon icra hakimiyyəti tərəfindən “Lələtəpənin alınmasında fəal iştirakına görə” medalı ilə təltif olunub.

    Sərvanın bu şücaətindən daha çox qürur hissi keçirənlərdən biri də babası Cəmil olub.

    Nəvəsi Sərvanın hünərindən vəcdə gələn Cəmil kişi bu günlərdə nəvəsini də yanına alıb redaksiyaya gəlmişdi. Gözlərindən mərdlik və cəsurluq ələnən, şux qamətli Sərvan özü barədə çox az danışdı. Qazanılan uğurları Ali Baş Komandan İlham Əliyev cənablarının vətənə sonsuz məhəbbəti, Ordu quruculuğuna, əsgər və zabitlərə göstərdiyi diqqət və qayğı ilə əlaqələndirdi. Lazım gələrsə bir daha silaha sarılaraq ərazi bütövlüyümüz uğrunda döyüşlərə  birincilər sırasında gedəcəyini dedi.

    Daha ətraflı »

  • 20Fev
    Təhsil BİZİM MƏZUNLAR üçün şərhlər bağlıdır

    DƏNİZ CƏSURLARI SEVİR

    Musa Qurbanov bizim məktəbin ötənilki tədris ilinin məzunudur. Hazırda Azərbaycan Dövlət Dəniz Akademiyasında təhsil alır. Bu günlərdə o, doğma məktəbi və müəllimlərini görmək üçün gəlmişdi. Gəlişi ilə hamımızı çox sevindirdi…

    Musa Qurbanov 1998-ci ildə anadan olub. Məktəbə qədəm qoyduğu ilk günlərdən çevikliyi, çalışqanlığı, nizam-intizamı ilə fərqlənib, ona dərs deyən müəllimlərin diqqətini cəlb edib. Bu gün də Musa müəllimlərinin yaddaşında riyaziyyatdan siniflərarası, məktəb, şəhər, zona üzrə fənn yarışmalarının fəal iştirakçısı kimi qalıb. “Xəmsə” intellektual bilik yarışmasında diqqətçəkən iştirakı da bu gəncin elmə, biliyə nə qədər bağlı biri olduğunun təsdiqi idi.

    Bu gün Musa Qurbanov təhsil aldığı akademiyada proseslərin avtomatlaşdırılması ixtisasına səylə yiyələnir. “Heydər Əliyev” və “Merkuri” gəmilərində təcrübə keçən gənc çətin və şərəfli peşə olan dənizçiliyin sirlərini yorulmadan öyrənir, çətinliklərdən qorx- mur. Yaxşı bilir ki, dəniz yalnız cəsurları sevir.

    Haqqında böyük fəxr və sevinclə söhbət açdığım gənc Qəhrəman və Aybəniz Qurbanovların övladıdır. Hər iki valideyn ziyalıdır. Qəhrəman Qurbanov Neft və Kimya İnstitutunu (indiki Sənaye Universitetini) bitirib. Aybəniz xanım isə elə bizim məktəbdə çalışır, Riyaziyyat fənnini tədris edir. Onların bir övladı-Cavid də tələbədir. Memarlıq və İnşaat Universitetində oxuyur.

    Daha ətraflı »

  • 20Fev
    Təhsil TƏHSİL üçün şərhlər bağlıdır

    FƏNN OLİMPİADALARININ RAYON TURUNUN NƏTİCƏLƏRİ BƏLLİ OLDU

     Bu barədə məlumatı qəzetimizə Şəhər Təhsil Şöbəsi Metodkabinetinin müdiri Xaləddin Niftəliyev verib. O, bildirib ki, fənn olimpiadalarının rayon turunda iştirak etmiş 381 nəfər şagirddən 51 nəfəri yarımfinal mərhələsində iştirak etmək hüququ qazanmışdır. Yarımfinalda şagirdlərdən 6 nəfər Azərbacan dili və ədəbiyyatı, 14 nəfər riyaziyyat, 5 nəfər tarix, 15 nəfər coğrafiya, 4 nəfər kimya, 6 nəfər biologiya, 1 nəfər fizika fənləri üzrə iştirak edəcəkdir.

    Respublika mərhələsinin yarımfinal turu mart ayının 2-si bazar günü Respublika Təşkilat Komitəsi tərəfindən müəyyən edilmiş mərkəzdə keçiriləcəkdir.

    Daha ətraflı »

  • 20Fev
    Digər KEYFİYYƏT İNFRASTRUKTURUNUN İNKİŞAFI RƏQABƏTƏDAVAMLI İXRAC MƏHSULLARI İSTEHSALININ VACİB AMİLİDİR üçün şərhlər bağlıdır

     Tarixi təcrübə sübut edir ki,  hökumət praktik fəaliyyətində  o zaman yaxşı nəticələr əldə edə bilir ki, konkret şəraitdə öz qarşısına həyata keçirilməsi mümkün olan ən mühüm və real vəzifələr qoymuş olsun. Ölkə qarşısında duran problemlər kompleksindən ən vacibini seçmək və siyasəti həmin istiqamətə yönəltmək çağdaş dövlət rəhbərindən daha böyük məharət tələb edir.

    Hər bir ölkə inkişafın müxtəlif mərhələlərində dayanır və konkret dövrdə qarşısında fərqli prioritetlər qoyur. Ölkə qarşısında duran konkret vəzifələri seçmək, cəmiyyəti, dövlət orqanlarını, ictimai təşkilatları və vətəndaşları onun yerinə yetirilməsinə istiqamətləndirmək ictimai-iqtisadi inkişafın önəmli məsələsidir.

    Təsadüfi deyil ki, indiki mürəkkəb beynəlxalq mənzərə fonunda Azərbaycan uğurla  inkişaf edir. Son illərdə neftin qiymətinin bütün dünyada kəskin şəkildə düşməsi nəticəsində ölkəmizdə dövlət investisiyaları azaldı, tikinti sektoruna az sərmayə qoyuldu və bu, müəyyən qədər iqtisadi çətinliyə gətirib çıxardı. Lakin belə mürəkkəb dövrdə də başa vurduğumuz ildə ölkədə sənaye istehsalı az da olsa artıb. Prioritet sahə olan qeyri-neft sektoru daha sürətlə inkişaf edib. Kənd təsərrüfatı istehsalı isə yüksəlib və yaxın gələcəkdə burada artımın daha da sürətlənəcəyi proqnozlaşdırılır. Çünki kənd təsərrüfatı sahəsində aparılan işlərin yaxın perspektivdə daha böyük nəticə verəcəyi gözlənilir.

    Daha ətraflı »

Səhifə 6 cəmi 382« Birinci...234567891011...Sonuncu »

Yeni ismarıclar

  • Salam eziz yerlilerim. Mende Yevlaxliyam, baxmayaraq ki, ve...
  • tebrik edirem. daha boyuk uqurlar arzulayiram...
  • Uğurlarınız axarıncı olsun!!!...
  • Təbriklər!...
  • Ş.Qurbanov adına 8 saylı orta məktəbin "İlin ən yaxşı məktəb...